纪惠频沽货汤文亮称为降借贷比　楼市最坏时间已过　下半年续减磅

纪惠集团近期频频沽出手上物业，行政总裁汤文亮上周接受《港台》的节目访问时指出，沽出物业是希望调整借贷比率而非被银行催还贷款；又表示在下半年集团要继续减持物业，惟强调出售物业并非看淡，“月有阴晴圆缺”。

强调公司并非遭银行call loan

汤文亮指出集团近期连番减持物业：“我卖嘢因为要调整借贷比率，唔系畀银行call loan，要合理化、要合格！物业的确价跌咗落黎，因为疫情令好多商舖死守，出现一个沉没成本。”他又指，自己在疫情开始时，曾建议一些租客索性结业，待市旺时才回归。“你无咗呢个沉没成本你就做得到”。他更批评：“政府中小企贷款害人，咁你都要还钱，唔系唔使还。本应都要执笠，你就同佢打支强心针，顶到疫情过后都无力，亦都害咗银行。”

被问及纪惠是否要继续减持物业时，汤文亮直言：“真系未，仲要沽”，并指下半年最少都要沽返上半年咁多。

沽货非看淡楼市　称月有阴晴圆缺

他又表示：“开头我自己错误，认为手上好多靓货，但系靓货卖唔郁。我有好多甲厦，买𠮶时买最顶楼、高层、向海、成层㗎，哎！卖唔郁。反而𠮶啲山卡拉舖位卖走，点解呢？因为平。我买返来𠮶时平。而家开始卖果啲就靓啲、贵啲。”他又重申：“我卖嘢就唔系睇淡𠮶市，月有阴晴圆缺。”

汤文亮进一步指出，楼市最坏时间已经过去。“你见我卖嘢系最坏的时间过咗先卖。跌紧我唔会卖，啲人个心态系，跌紧，迟啲咪平啲。但啲人买咗之后，见到升㖞，咁就好。”

他又提及近期出售自住楼经历﹕“我自己住𠮶层楼，两公婆两个工人住。我太太同我讲‘而家咩环境呀！不如卖咗佢’。卖咗1.38亿元，我收返另一层楼返来住，但未收到，就租住其他楼先，月租7.5万元，即系90万一年。而家套现1.38亿元，用5厘租金回报率计，将近700万元一年，用4厘计就500几万元。减返租楼成本，有成500万元收入，日日去福临门都得啦！”