【温多娜手记】蚂蚁银行CEO王澜广东话拍片　话希望帮到小微企业

蚂蚁集团旗下蚂蚁银行（香港）今日正式开业，银行CEO王澜用广东话喺社交媒体拍片介绍银行，话银行初衷系透过科技服务普罗大众及小微企业，为香港金融科技发展注入新动力。佢讲银行啱啱起步，不断学习、改善，就好似佢广东话虽然“唔系好正”，但会继续努力㖞。

王澜喺短片入面透露自己住喺香港3年半，初来好唔惯，见港人好有效率，喺茶餐厅入座到走人只系十几分钟时间，“打针都冇咁快”，而佢关注银行可以点样帮到地道云吞面店、大排档等等努力拼搏嘅小微企业，让小微企业用到唔受时地限制嘅网上银行服务，系佢同一班同事努力嘅方向。佢希望可以听到多啲用户意见，令银行可更了解佢地需要，更好服务社会咁话。