【温多娜手记】太兴上市记招　港版Iron Man撑场　话最爱呢两样野

太兴集团（6811）今日举行上市记招，除了有一众管理层之外，太兴代言人、“港版铁甲奇侠（Iron Man）”郭伟亮（Eric Kwok）亦有现身撑场。

Eric Kwok话自己13岁就移民到美国，暑假果阵返黎同朋友聚会，不时会帮趁铜锣湾太兴烧味店，估唔到自己好多年后会做左太兴代言人，仲见证太兴由一间西湾河烧味店，拓展至遍布中港台嘅连锁餐饮集团。

Eric Kwok仲大赞太兴集团主席陈永安对食物好有热诚，钟意研究更多创新菜式，希望佢可以将呢股热诚延续落去，帮手宣扬更多香港地道美食。Eric Kwok又话自己做咗5年太兴代言人，最钟意太兴嘅烧味同埋冰镇奶茶。