【温多娜手记】优品360每月都有产品试食会　CEO：伏等我哋中

零食连锁销售商优品360（2360）今日搞咗个试食大会，行政总裁许志群同埋记者齐齐担任试食员，试食咗12款产品，包括自家品牌Kalbarri无花果果干、永年士多虾子面、KitKat樱正宗大吟酿朱古力等等。

每月引入约60款　食品、日用品都会试

许志群话，公司采购所有产品前，都会预先试食，“伏等我哋中，好野用嚟卖”，试食后再决定入唔入货，唔会因为价钱而牺牲质素。采购部同事在采购润肤乳、洗头水等产品前都会先试用一段时间，但家居用品则未有试用，公司依家每个月大概引入50至60款新产品。

迎合潮流采购　将发掘香港制造特色产品

许志群透露公司嘅产品试食每一星期或两星期举办一次，每次自己都会亲自落场，试食20至30款产品，但唔少产品系唔好食或者未必岩香港人口味，最终只得三至四成有得留低。

许生话，公司会迎合潮流来采购产品，例如买入健康有营产品 、高质美味嘅速食产品，以及创新口味或外观、或者选用新颖特别材料配搭嘅食品。今年就会尝试发掘香港制造嘅特色产品，希望将香港制造介绍俾世界各地嘅客人。