【温多娜手记】国泰扭亏为盈　即向每位员工派2000蚊

国泰航空今日派成绩表，公司扭亏为盈赚23亿元，除咗向股东增加派息之外，公司亦都向员工发放相当于花红嘅利润分成，每位合资格员工获发2000元。

国泰话，因为旧年大部分盈利系来自附属同埋联营公司，国泰和国泰港龙盈利只有2.41亿元，如果用以往利润分成嘅计算方法，同事只有微不足道嘅金额。为咗感谢员工喺转型计划嘅努力，所以将利润分成增加至2000元，作为对同事嘅认同以及感谢。

国泰嘅全球员工有3.24万人；而国泰和国泰港龙嘅在港员工有2万人。

国泰喺2016年蚀钱嘅时候，宣布经理级以上员工喺2017年要冻薪；2017年𠮶阵，就冇发放花红。今次业绩亮丽，就立即同员工一齐分享成果。