【温多娜手记】Mastercard新标志删走集团名　得返红黄圆圈

新一年新开始，Mastercard今日做咗个大转变，就喺用新品牌标志。新标志会将集团名“Mastercard”删走，得返红黄圆圈。

但改成咁，唔知客人仲认唔认得呢？Mastercard首席市场推广及传讯总监Raja Rajamannar话，公司之前做咗研究，发现就算冇咗“Mastercard”字眼，超过80%受访者都可以靠红黄圆圈图案识别到佢哋品牌，未来集团会进一步推进品牌革新。新品牌标志将会分阶段出现喺各款信用卡、支付卡、实体同埋网上零售点。

其实，呢个红黄圆圈的图案已经被公司沿用咗50年，代表集团将市民以及无现金支付连系埋一齐。参考以往嘅标志，“Mastercard”一字都会喺红黄圆圈内，但到咗2016年，呢个字就放咗响红黄圆圈外，“M”字和“C”字亦转为细楷，新标志就将“mastercard”字眼直接删走。

外媒《CNBC》分析，Mastercard呢个举动系想改变品牌形象，希望大众觉得集团唔单止系提供信用卡服务，而系金融科技公司。另外，集团喺新闻稿亦自称系数码支付公司。