【温多娜手记】宏利2000名员工参加百万行　出力又出“车”！

寻日就系公益金50周年百万行，向来搞作多多嘅宏利香港首席行政总监万士家（Guy Mills），今次就率领一班管理层同埋近2,000名员工，齐齐着上印有公司新logo嘅型仔绿色卫衣，参加今年百万行。

虽然天气咁冻，但都完全唔影响大家热心为公益，佢哋由中环爱丁堡广场出发，途经中环及湾仔绕道，最后抵达北角终点，足足步行5.3公里。

公司唔单止出心出力，仲出埋“车”添！宏利香港今年特别派出一辆印有新logo嘅“流动物资”专车，向宏利参加者派发食物和饮品，为步行队伍打气，认真细心又贴心。

原来，宏利自从1995年开始，已经动员公司上下支持“公益金百万行”。公司透露，截至去年已为公益金累积筹得1,600万元，今年会继续努力筹款，支持公益金嘅“家庭及儿童福利服务”。