【温多娜手记】叶茂林千金回归耀才 搞迪士尼哈啰喂“冧”员工
撰文： 温多娜
出版：更新：
华资证券大行耀才证券﹙1428﹚向来“搞作多多”，除咗每年“例牌”包场请睇戏，去年新股热潮，老板叶茂林仲谂到免息借钱俾员工抽IPO，佢果句“赢就员工，输就归我！”温多娜记到依家。
所谓“虎父无犬女”，叶茂林次女叶颕恩近日“回归”耀才做咗主席助理，随即在过去周日搞咗场迪士尼Halloween同乐日，让全体逾300名员工提前感受下万圣节气氛。呢排港股“闷闷地”，去迪士尼Halloween攞啲“刺激”，士气即时返晒嚟！
叶颕恩仲好识做咁话，公司一直视员工为企业最重要和最宝贵的核心资产，一定会再搞不同类型嘅活动激励士气，好以冬季烧烤聚会、圣诞节庆祝派对等等；又指“爱才、惜才、育才”系耀才一直嘅理念。哗，员工听到，唔收货都唔得啦！