【离婚】细数圈中十对未能挽手到老的夫妻 愿这世界如童话？
爱情唔系童话，佢唔似童话故事当中所讲得咁容易，一个吻就可以好幸福快乐咁走落去。“谁人又相信一世一生这肤浅对白”陈奕迅嘅Ｋ歌之王中一句歌词，相信大家都一定听过呢首歌，佢表达维持爱情并不易。
其实爱情系一门学问，因为大家向往爱情嘅美好，所以佢哋都好努力探索紧呢门学问。王子公主恋爱呢𠮶到底喺咪传说？
10．Selina 张承中
Selina同阿中喺订婚后1个月，Selina喺上海拍摄时遇爆破意外，全身大部分嘅地方灼伤，当时阿中日日去医院探视陪伴，Selina曾提过分手、两度退婚都被阿中拒绝，阿中嘅不离不弃更加感动女方，最终结为夫妇。双方嘅互动相信大家都有目共睹，十分甜蜜。然而，佢哋嘅𦈏姻只系坚持咗４年，就宣告结束，佢哋最终都无法陪对方走落去。爱情真系一门高深嘅学问。唔好以为只要不断付出，就可以应付爱情，而且当你结婚后，你先会发现依家先企喺“爱情”嘅起点，路还很长。
9．庚澄庆 伊能静
当年，庾澄庆同伊能静22年嘅爱情长跑，喺2000年决定互订终身个阵，感动众人，之后两人甚至共同创作《春泥》呢首歌，当中所写嘅都系佢哋之间嘅爱情故事，佢哋之间嘅经历。有边个会谂到呢对夫妻最后都喺离婚收场。坚持10年嘅感情已经好难，何况喺坚持22年嘅爱情长跑，感觉上呢段时间已经会令双方嘅感情十分坚固，但现实总系会打击你，见到庾澄庆同伊能静之间嘅爱情经历，可能会令大家唔再相信爱情，但喺佢哋嘅经历喺提醒紧大家爱情唔容易，爱情系要用心，双方互相努力先维持到。
8．蔡卓妍 郑中基
呢对曾经嘅情侣当初开记者招待会承认双方已经结婚，同一时间再宣布已准备离婚手续，令大家一时间都反应唔切。佢哋之间嘅感情十分低调，只有佢哋身边嘅亲友先可能知道。虽然佢哋无高调咁放闪晒恩爱，但系当佢哋宣布准备离婚手续时，双方都不忍落泪，可见佢哋真系曾经深爱过对方，只系当结婚后，两家人就会成为一家人，双方嘅生活，圈子，习惯都会互相影响，可能当佢哋更加深入了解对方，先发现做朋友其实更适合佢哋。虽然佢哋唔可以成为对方最后嘅伴侣，但至少依家佢哋已经揾到各自嘅幸福。
7．林忆莲 李宗盛
林忆莲与李宗盛嘅感情，曾一度被媒体誉为娱乐圈里嘅经典婚姻。可是婚后，有关佢哋要分手的传闻就一直无断过，而最终佢哋嘅婚姻， 喺2004年终于尘埃落定，宣布李宗盛同林忆莲正式离婚。虽然一开始听闻系林忆莲插足，令李宗盛抛弃妻子，但亦可以话佢哋无惧世人嘅眼光，为咗爱情，即使被人责骂，佢哋都依然要选择一齐。可以话佢哋当时真喺十分相爱对方，但爱情最大嘅难关就系时间，而佢哋最后都系无法跨越呢𠮶关口。
6．陈法拉 薛世恒
陈法拉喺2007年同薛世恒拍拖，佢哋高调晒恩爱，更一齐出席公开活动，二人早已系美国秘婚。大家都以为陈法拉同薛世恒结婚＝嫁入豪门，之后一定平步青云。但喺爱情同面包又点可以相作比较呢，豪门世家嘅关系十分复杂，陈法拉少奶奶生活过得并不如意，同男方家之间嘅关系都系好微妙。而最后7年感情无开花结果，两人于2013年宣布分开，离婚收场，结束7年感情关系。如果比你拣，你会喺宝马里喊，定喺单车上笑呢？
5．王菲 李亚鹏
两人2004年相恋，隔年结婚，婚后中生咗个女，两人各自都事业有成，呢段婚姻相信就会行到最后，HAPPY ENDING。但“有时候 有时候 我会相信一切有尽头；相聚离开 都有时候 没有甚么会永垂不朽”王菲嘅《红豆》，呢首歌仿佛就喺讲紧佢哋嘅感情，佢哋婚姻嘅尽头竟然喺离婚。王菲同李亚鹏喺2013年新疆签字离婚，为8年嘅婚姻画下句号。震惊大家，虽然王菲比李亚鹏大，姊弟恋并不被睇好，但佢哋之间嘅互动，经常喺微博放闪晒恩爱，已经令大家改观。但最后……唔通爱情真喺无可能永垂不朽？
4．黄文迪 吕慧仪
2011年11月黄文迪同吕慧仪结婚，两人喺2014年生咗个仔。虽然黄文迪无吕慧仪咁红，要女方担起养家嘅责任，男主内女主外，然而吕慧仪却唔介意，佢哋两人似乎已经对家庭分工有共识，喺工作方面一齐努力，吕慧仪忙紧拍剧𠮶阵，黄文迪就会照顾个仔，婚姻生活曾经十分甜蜜。10年嘅爱情长跑到最后终点结婚，大部分嘅难关相信咝个10年都一一跨越，已经无嘢可以斩断佢哋嘅关系，但最后却依然以离婚收场。10年嘅感情，双方嘅付出就咁结束。到底系咪我哋将爱情睇得太容易？
3．谢霆锋 张柏芝
呢对金童玉女，佢哋嘅感情真系经历几度波折，分分合合，到最后，喺2006年闪电结婚，佢哋终于修成正果，更生下两个孩子。之后爆出艳照事件，谢霆锋依然选择企喺张柏芝嘅身边。呢个就系爱情嘅威力，大家都以为佢哋会好似童话故事所讲咁幸福地走下去。但现实就系要打击我哋。张柏芝、谢霆锋正式宣布因性格不合而共同决定离婚，5年嘅婚姻就咁完结。爱情唔系跨过种种嘅难关，会变得更加稳固咩？但当结婚后，之前所经历嘅种种就好似无发生过一样。
2．刘恺威 杨幂
呢两个人相信大家都唔陌生，王子同公主嘅组合。刘恺威比杨幂大12岁，二人认识唔到2年就决定结婚，仲生下女儿“小糯米”。点知坚持咗五年，喺2018年底，两人就系官方微博正式公开离婚嘅消息，以亲人嘅身分共同照顾抚养孩子，又系令人大跌眼镜，谂返佢哋过去相爱嘅点点滴滴，真系好难想像佢哋嘅婚姻会走上离婚呢条路。点解现实中嘅王子同公主唔可以好似童话里面嘅王子同公主咁，一个Kiss就幸福咁生活落去。
1．宋仲基 宋慧乔
2016韩剧《太阳的后裔》创下超高收视率，剧中嘅男女主角因此成为萤幕CP，然后喺2017年佢哋真喺结埋婚，从萤幕走到现实，公主同王子一齐，大家都祝福佢哋。宋仲基同宋慧乔一齐，令大家愿意再次相信爱情嘅美好。点知喺今日（6月27日）王子同公主就各自发布咗离婚讯息，令大家大跌眼镜，萤幕里嘅爱情，个阵嘅甜蜜互动，无咗剧本嘅加持，现实嘅爱情系好难真系同剧中咁美好㗎。
延伸阅读：
去一次就讨厌的城市？又脏又乱态度差 网友一面倒选亚洲的“它”
【本文由“DailyView 互联网温度计”授权转载】