【理财】被动收入即轻松赚钱？ 一文了解揾钱向、储钱向心态不同
睇得耐穷生啲文嘅人，或多或少都觉得喺香港要活得有尊严，有啲钱傍吓身系走唔甩嘅！当你睇到呢个题目𠮶阵，你可能会话：“乜揾钱同储钱有冲突嘅咩？”
大家唔好做标题党住，好似苏民峰批命咁，佢出名系自创寒热命论，将人分为寒命、热命、平命。穷生亦有类似理论，不过就科学得多喇！穷生所讲嘅系你系储钱先决定系揾钱先决。
作者：穷一生
睇得耐穷生啲文嘅人，或多或少都觉得喺香港要活得有尊严，有啲钱傍吓身系走唔甩嘅！当你睇到呢个题目𠮶阵，你可能会话：“乜揾钱同储钱有冲突嘅咩？”
大家唔好做标题党住，好似苏民峰批命咁，佢出名系自创寒热命论，将人分为寒命、热命、平命。穷生亦有类似理论，不过就科学得多喇！穷生所讲嘅系你系“储钱先决”定系“揾钱先决”。
穷生点解会写呢个topic呢？因为穷生最近开始收到好多网友嘅inbox，分享自己嘅情况同交流吓理财心得。有好多人同穷生倾计，听到好多穷生嘅嘢之后都会觉得，我都要好似穷生咁做先得。我一听到呢啲嘢，我都会立即应一句：“其实人人想要嘅嘢都唔同，我𠮶套未必啱你哋用”。穷生写文系希望大家多啲了解自己嘅需要同专长，由穷生嘅文章悟出一条自己嘅理财之路！
入正题之前，我要首先定义番呢两类人。
【揾钱向】
揾钱人顾名思义即系以揾好多钱为目标，努力工作，谂方法令自己嘅收入增加而再上流嘅人。呢类人香港其实好多，因为香港始终系一个资本主义嘅社会。喺社会努力鼓励消费嘅气氛之下，呢类人有好多嘢想拥有，有好多好多唔同嘅目标同理想希望达到，所以好难系唔涉及到钱。所以，呢类人咩嘢有钱揾嘅机会都唔会放过嘅，都系推动香港竞争力嘅一群。
喺消费主义嘅诱惑之下，欲望会推动你唔介意努力工作去支持你嘅高消费活动，所以呢啲人嘅理财方法要进取啲，除咗工作之外，需要一啲副业同进取啲嘅投资组合去支持，穷生会建议佢地揾多啲“主动收入”。
“主动收入”好处系回报较高，有机会发达，而且比较能够控制。“主动收入”主要系开拓自己嘅事业，分分钟可以全职做老细，而唔好处就系会好困身，因为工作就一定会占用时间，要发达就要付出生活同谈恋爱嘅时间，而风险都会较高。所以喜欢向前冲嘅人都要考虑清楚，唔好睇见人成功就去，睇唔到99%输咗嘅人几惨呀！
【储钱向】
储钱人即系以积谷防饥为主要任务嘅一班人，佢哋觉得自由时间比较重要，钱都要揾但系唔可以好困身，唔会因为想揾多几个钱而放弃自己／朋友／家人一齐嘅时间。比起有好多好多嘢想做嘅揾钱人，佢哋大多系好多嘢都唔想做。佢哋都可能会想办法揾多少少钱嚟储，但大前题系唔影响自己嘅work life balance（工作生活平衡）。呢啲人本身物欲唔会好强，大部分嘅兴趣都唔系要用好多钱，反而要好多心机同时间。
系咁嘅情况佢哋就会不时觉得自己份工好困身，如果佢哋理财好嘅话，多数就算唔系揾好多钱都好，都会想办法储定啲钱。由于呢啲人本身用嘅钱唔多，出嚟做嘢几年都会储到唔少钱，系比较以不变应万变嘅生活方式！呢类人应该找方法以现有资金增加“被动收入”，例如投资股票、债劵、车位甚至房地产。
以香港人最爱嘅住宅单位为例，如果你可以喺50岁前拥有两个住宅物业喺手，咁你下半世都唔会饿死先。心力就可以放喺其他兴趣上面了，“被动收入”好处系弹性大，不会太困身，只要有好嘅计划，你可以同时有好多唔同嘅“被动收入”来源，而且“被动收入”系可以长期运行，到90岁，只要你唔死／脑退化，一样可以Run（运作）落去，而唔好处就系回报多数比较慢，而且如果你嘅主动收入（你份工）唔够多的话，要小心输入肉，本金冇咗好难回气的。
总结
睇完穷生对以上两种人嘅陈述，可能你心入面已经有答案自己系边类人。大家应该跟返自己嘅方向好好定下自己嘅理财哲学，唔需要强行学习人哋所谓嘅成功例子，到头来可能唔成功而自己白白辛苦一段长时间。不过无论你系边类人都好，都有一样嘢唔可以唔做，就系时刻用脑，去计划，去学习。唔好以为“被动收入”叫“被动”就唔使用心经营，呢个世界最钟意惩罚啲唔用脑嘅人，大家一定要记住呢点。
【作者简介】
穷一生，80后多媒体设计师、《穷家有道》网站主理人及《戒穷》作家。22岁由3万元总资产、12K月薪起步，26岁储到人生第一个100万，30岁再翻数倍，座右铭是“学会掌握理财技能，使我可以‘穷一生’的追逐兴趣”。
著作：《戒穷》（2019新版）
（本文授权转载自POORLHK，经01职场频道编辑，原文标题为【你系“揾钱向”定“储钱向”？】）
立即下载《香港01》，紧贴公务员职位空缺、劳工处笋工推介，了解CV、面试致胜技巧！
下载网址：
https://hk01.app.link/bkbJyY5t4O