【申请移民】英国教育好、澳大利亚安全 即睇五大热门国家移民资格
曾经嘅香港喺处于一个咁矛盾嘅时期，双方都唔明白对方嘅感受，唔明白对方点解会咁谂，无相同嘅经历又点会明白对方嘅感受呢。直到最近香港政府的行为——修订《逃犯条例》，终于令香港成为一个“只有城里人想出去”嘅地方。
香港政府所修订的《逃犯条例》背后带来既后果，令续领BNO护照数量再次上升，“移民”一度登上Google Trend嘅热门搜寻，由此可以知道好多人都开始向往城外嘅风景，但喺相信亦都多人唔知道边度先系适合自己去？唔知道依家可以点样做？今日DailyView用互联网大数据说话，我哋会客观咁话俾大家听，到底边度系最多人搜索嘅逃生门。
DV小教室：
互联网温度计透过《KEYPO大数据关键引擎》大调查观测咗近万个网站频道（而且不断增加ing），包括港澳地区的新闻频道、FB、IG同埋各大讨论区、Blog......透过强大网文爬梳观测，攞到巨大嘅资料样本数，拎到上亿嘅文章及留言讯息，以人工智慧的语意程式做分析。
BNO护照=有居英权？
呢段时间，好多香港人都去续领BNO护照。笔者相信大家都知道咩系BNO，咁我就唔详细介绍佢啦，但好多人其实都唔喺好清楚BNO护照到底有咩好处同保障，以下就简单讲解下啦！好多人都以为有BNO护照=有居英权，呢个就大错特错啦。咁BNO护照有咩用呢？
持有BNO护照嘅人喺英国国外可以享用英国嘅领事服务，如果喺中国境外发生事故，而中国领使馆不能帮忙，咁就可以向英国领事馆求助。同埋BNO护照亦都喺全球最方便的护照之一，因为免签国／地区多达185个，呢𠮶特区护照就比唔上啦。
重要嘅系一旦香港一国两制取消，其他国家唔承认特区护照等事发生，依然可以用BNO走到世界各地。有两本护照点都好过一本嘅。至于续领嘅方法，网上仲有好多热心人士嘅教学文章同影片再作参考。
▼▼移民指南针！按图放大，开估八大移民热搜地点▼▼▼
5、日本
日本系一个出名治安好嘅国家，无论系环境安全定系食品安全都十分令人放心，拥有较完善嘅社会保障，而且环境优美，仲有一年一度嘅樱花季！
如果你想移民到日本的话，建议你可以选择投资移民，只要喺日本投资日币500万元以上，喺日本开设公司，然后你要持续经营、并持续有赚钱，就可以拎到经营管理签证，撑过10年后，就有机会申请到永驻权喇。
或者你可以选择读书移民，去日本留学，毕业后留日，之后可能被当地的公司聘用，只要选择喺日本就业，留学签证就会变成工作签证。然后要稳定地工作到一定嘅时间，就会达到咗申请日本永驻嘅方式，完成移民喇。而呢𠮶方法即使你无去日本留学都可以，只要你有机会被日本嘅公司聘用，就可以申请工作签证。
而且最近日本多一个叫1类特定技能签证，亦即技术移民，申请人除咗要有基本嘅日语能力之外，从事特定行业，而且要具备相当程度嘅知识同技能。但呢𠮶嘅居留期只有5年，但系只要喺留日期间，你喺其所在领域达到更高阶水平，就可以申请“特定技能2号”，当你成功申请，喺日本嘅居留期间无限期。
相关文章：【移居日本】持36万港元即合资格？ 了解日本投资移民申请要求
4、加拿大
加拿大社会福利世界第一好，相信大家都知道，有完善嘅失业保险，政府更为失业人士提供再就业嘅相关培训，唔惊到时候无工返。
咁移民加拿大嘅途径有好多，例如技术移民，只要你符合2011年NOC 0、A或B类的职业类别，喺过去10年内喺该类别工作至少1年以上嘅全职工作，同时英文条件需达到加拿大语言标准CLB7级＝IETS要有6分。证明具有至少高中以上学历，如果喺海外学历就需要透过加拿大指定嘅机构认证，并喺六大（教育程度，语言能力，工作经验，年龄，就业安排，适应能力）评分标准上达到至少67分，证明拥有足够嘅资金喺加拿大维持生活需求。
或投资移民，提出申请前五年入面，证明自己至少有两年嘅商业管理经验，并拥有加币200万嘅资产证明，愿意投资加币120万俾加拿大政府嘅投资计划，投资年限为期五年，到期后，无息偿还本金，亦容许用贷款嘅方式。
仲有亲属依亲移民，申请人要同担保人既关系可以喺配偶，子女，包括收养子女，年龄要22岁以下单身；同居人，并拥有同居一年以上证明；父母或祖父母，并证明每年有配额限制及需提供规定嘅收入。
3、英国
英国出名嘅喺咩？就喺佢高品质嘅教学水准，世界大学排名前10名中，英国大学就占咗四间。有良好嘅教育水平，自然就有良好嘅治安，风景优美呢啲废话我就唔多讲啦。
假如你屋企好有钱嘅，又想移民去英国，咁你可以拣投资移民，投资移民条件好简单，申请人要够18岁，无犯罪记录，如果有仔囡，仔囡不得超过18岁，而且要有200万英镑的流动资金，喺三个月内投资英国，只要维持投资资金，就可以拥有居留权。如果想快啲有永久居留权，就投资500万英镑，3年获得永久居留权；想再快啲投资1000万英镑，2年获得永久居留权。
虽然个个都适合以上方法嘅，但仲有企业家移民呢个方法。申请人要16岁或以上，亦无犯罪记录，而且有20万英镑资金可用于英国投资，并且提供合法嘅资金来源，IETS 4分以上，或者有英国本科学位以上学位／海外英语学士学位或以上学历，仲拥有至少3年相关嘅创业经验，当然仲要有足够的生活存款（提交存款申请前90天：主申请人3310英镑，配偶/子女每人1890英镑），仲要通过肺结核体检。
2、澳大利亚
澳大利亚最吸引嘅就喺佢嘅自然环境。香港嘅石屎森林同澳大利亚比，真系无得比。同埋澳大利亚大部分地区都系四季分明，而且澳大利亚系世界上最安全的国家之一，犯罪率低，仲有其他优点就唔一一细说。
重点系点样过去呢？近排最多人讨论嘅就系技术移民同投资移民。澳大利亚嘅 189独立技术移民喺移民中最为庞大嘅一群，申请人要依靠个人嘅学历、工作经验/专业技能、语言成绩提出嘅移民申请，但其职业要属于澳大利亚技术移民职业清单Skilled Occupation list（SOL），而且要满足移民评分最低标准65分，雅思要考8，仲有PTE要考个79，先合乎资格申请，所以同志们需要努力啊，当移民成功后就可以喺澳大利亚任何地区生活，工作同学习喇。
当然唔少得投资移民啦，澳大利亚188A类投资移民系商业移民中应该最受欢迎，因为佢嘅申请条件比较宽松，对申请公司嘅审计要求同投资金额要求都较低，注重嘅系公司嘅营业额。而申请人需要55岁以下，而且要有直接参与经营同管理企业嘅成功经历。如果申请人喺企业股东，就需持股30%以上；如果喺上市公司，就需持股10%以上，商业净资产及个人净资产要达到80万澳币，而且喺申请前4年，有2年企业营业额要达到50万澳币，同时EOI嘅评分要达到65分。
1、台湾
相信大家都明白点解台湾咁吸引港人移民，租金、物价低，生活节奏慢，美食就更加唔洗多讲。但相信大家都喺想知有咩方法移民过去。
后生嘅想离开香港，可以试下读书移民。选择到台湾升学，毕业之后，只要留台工作并连续居留连满5年，而且每年在台居住183日以上，且最近一年于台湾地区平均每月收入逾中央劳工主管机关公告基本工资2倍者，就可申请定居。
如果已经过咗读书嘅阶段，仲有其他方法移民。例如投资移民，呢𠮶就需要喺台湾投资600万元新台币（约158万港元），通过审查就可以获得居留证，同时亦须喺台湾连续居住1年，而期间每次离台唔可以超过30日；或连续两年内，每年喺台湾居住满270日，就可申请定居证入籍台湾。
但喺香港唔喺个个都有资本去投资嘅，同时又已经过咗读书嘅阶段，咁你就可以谂下技术移民，顾名思意，申请人要具有专业技术能力，并取得香港执业相关证书，或者喺学术、科学、文化、新闻、金融、保险、证券、期货、运输、邮政、电信、气象或观光专业领域有特殊成就，就可申请。
相关文章：【移民台湾】持150万港元即可移民？ 一文睇清四大申请途径要求
分析说明：
本研究资料由《KEYPO大数据关键引擎》提供，分析时间范围为2019年05月20日至2019年06月18日。
互联网大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论‘移民／BNO’相关文本进行分析，并根据网友就该议题之讨论，作为本分析依据。
本文分析之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
去一次就讨厌的城市？又脏又乱态度差 网友一面倒选亚洲的“它”
【本文由“DailyView 互联网温度计”授权转载】