缺口罩？南韓推出「防疫帽」全方位防飛沫！網民：我冇勇氣戴出街

内地嘅新型冠状病毒肺炎疫情持续，截至昨日（11日）全球共25个国家发现确诊个案，目前亚洲系疫情重灾区。全球口罩供应极度紧张，口罩价格不断攀升，口罩嘅规格越高，价钱就炒得更高。港人嘅日常生活亦渐渐离不开“抢购口罩”，每日留意住边度有口罩卖，又或者渔翁撒网式地喺网上买卖平台留言“2盒 thx”，为的都系希望买到足够份量嘅口罩自保。假若屋企真系冇晒口罩，又冇途径购买到合规格嘅口罩，市民又该如何是好呢？

自從新冠肺炎爆發後，人人出門在外都會戴上口罩。不過，個個都戴口罩，唔通個個都有口罩戴咩？早前網絡上就流傳住以下一系列DIY口罩圖，有市民面對「口罩荒」嘅情況下，依然臨危不亂，仲發揮無限創意，DIY製作出各式各樣嘅口罩自救，DIY口罩材料有橙皮、膠樽、膠碗等，其防疫效果不禁令人感到匪夷所思。

而口罩貨源同樣短缺嘅南韓，為對抗疫情，最近就推出咗一款「防疫帽」，聲稱能夠遮擋飛沫、保護雙眼免受細菌感染。另外仲可以防曬、防塵、防風沙，畀你全面性嘅保護。𠵱家網上各大買賣平台都有商家發佈有關代購防疫帽嘅訊息，唔少帖文下面都有網民留言「1 頂 thx」，反應不錯㗎。

賣家更聲稱只要用消毒用品清潔一下膠片，就可以重覆使用。另外仲建議待疫情過後，可以剪下透明膠片，咁外形上就同一般嘅漁夫帽無異。網上討論區就有網民發起有關討論，當中有網民表示接受唔到戴出街，又有網民話冇勇氣戴出去，但就買咗畀媽媽戴！🤣🤣🤣

縱然，防疫帽能夠覆蓋整個臉部，具有一定阻隔功用，但對於預防新冠肺炎嘅效果始終末經任何研究或專家證實。戴防疫帽固然無妨，但日常外出最好都係聽從專家建議，戴口罩、勤洗手、少去人潮擁擠埸所、避免野生動物及禽類。

正值非常時期，口罩係出門在外的必需品。坊間出現「口罩荒」，與其到處撲口罩，轉戰網購亦係另一種辦法，小編就發現eBay暫時尚有少量成人及兒童口罩可供購買，款式如下（如需購買，請按下面藍色連結前往購買頁面）：

🔻 Breath Silver - 韓國製造 Quintet Adult Regular 99.9% HK$99 🔻

🔻 AEGIS KF94精細防塵時尚口罩 (包1個補充裝) + 補充裝 X5 HK$208 🔻
（L size按此 ; M size按此）

🔻 Hancom KF94 3D Korea Filter 防疫口罩 (一包兩個 x 5包) HK$278 🔻

🔻 KOWA三次元 PM2.5高密度 兒童口罩 (130mm) ( 5個 x 3包 ) HK$324 🔻

現時eBay尚餘少量現貨發售，免運費。因需求緊張，存貨量變動幅度大，購買前請查閱清楚尚餘存貨。

(產品資料以官方最新發佈為準，價錢最後更新至2020/02/12)