《本周之最》第１位：智能升降电火锅¥299 唔使再怕肥牛变老牛!

小编定期会同大家分享每周唔同嘅至抵买产品，务求大家可以喺最抵最好嘅时机买到性价比极高嘅好物，做个精明醒目嘅消费者！

趁住淘宝年货节有好多商品仲做紧优惠，小编就一次过喺淘宝揾咗三件激抵又实用嘅好物同大家分享😍

🔻本周之最 第１位：智能升降电火锅 券后价¥299🔻

小编最近发现咗呢个智能升降火锅，睇落超级过瘾！平日打边炉成日都会将食材同汤底捞埋晒一齐，到想揾渌熟咗嘅食物就好似大海捞针咁，茫茫火锅里，肥牛已经不知去向，蟹棒又渌到散晒，真系十分扫兴。于是有边炉达人就研发咗呢个升降电火锅喇！汤底嘅材料同食物以升降嘅盘分隔，只需要揿一个掣，就可以将煮熟好嘅食物自动升起，分隔汤底，夹𩠌就方便好多啦！

火锅同炉系一体式，300-1500w火力随意调较。而且电磁炉内置压力保护防干烧功能，当煲入面唔够适量水嘅时候就会自动断电，以防意外。最犀利就系呢个电火锅除咗可以用嚟打边炉之外，仲可以仲嚟煲粥煲汤，而同时间仲可以利用升降盘嚟煎糕点！一个厨具拥有多功能用途，超实用之选！

外观：★★★☆☆
实用性：★★★★☆
安全性：★★★★☆
性价比：★★★★☆

👇揿下图即睇产品详情👇

🔻第２位：化妆扫清洁神器 券后价¥70🔻

有化开妆嘅妹猪相信同小编一样都面对一个世纪级嘅难道，就系洗扫真系好麻烦啊！为咗唔想烂脸，化妆用具一定要勤力洗，因为用一次已经可能沾满咗细菌！但系个个礼拜洗扫又要等佢干真系好麻烦，除咗买多几套化妆扫替换，仲有咩办法解决呢个难题呢？于是小编就揾到呢个喺化妆界堪称“洗扫神器”嘅好物喇！

呢个神器一set有8个矽胶套，适用于唔同大细嘅化妆扫。使用方便好简单，只需要将矽胶套套住化妆扫嘅扫柄，放入倒好清洁液嘅容器，再开动洗扫神器，佢就会自动高速转动，帮你洗走晒扫上面嘅残留化妆品！如果个扫有千年尘埃的话，只要更换清水重复步骤洗多两次就搞掂。干净咗之后仲唔够，将扫喺溶液拎出嚟可以再开动洗扫神器，咁就可以帮你再高速揈干晒啲水喇！包保几分钟搞掂。

外观：★★☆☆☆
实用性：★★☆☆☆
安全性：★★★★★
性价比：★★★★☆

👇揿下图即睇产品详情👇

🔻第３位：一炮通管道疏通器 ¥69起🔻

嚟到最后一样要介绍嘅产品喇，呢样产品实用性爆灯，因为每个屋企都需要用到！佢就系一个万能嘅通渠神器喇！平日厕所﹑浴室﹑洗手盘塞咗，真系世纪级烦，因为冇人会想用手去清洁堵塞咗嘅渠㗎！真系谂起都怕，条渠去水越来越慢，但大家内心只想默默地视而不见..... 🤦🏻‍♀ 小编绝对明白呢种心情。所以，每个人屋企一定要有呢个通渠法宝！

唔使揾通渠佬唔使用手伸入去执头发，你只需要一个一炮通管道疏通器！呢个通渠神器可以产生0.4Mpa气压，相当于4kg/cm2嘅压强，可以带动管道入面嘅积水，产生强劲压力冲走堵塞物。通渠神器机身仲有气压仪表供检视，可以自行根据疏通需要，选用适当气压。以后有咗呢个通渠神器去厕所都去得自在啲啦！

外观：★☆☆☆☆
实用性：★★★★★
安全性：★★★★★
性价比：★★★☆☆

👇揿下图即睇产品详情👇

(产品资料以官方最新发布为准，价钱最后更新至2020/01/14)