【香港女装】3间大热香港本土女装网店 IG Followers高达11万?!
平时女装网店都介绍唔少，不过来来去去唔系淘宝店就系韩国网店、台湾网店。其实香港本土都有好多高质女装网店，非常值得我哋去支持。虽则好多姊妹都会觉得香港网店“食水好深”，但其实好多时店主都系一个人亲力亲为，由拣货、影相、出货、覆客、广告等等都“一脚踢”，一个月仲要飞几转韩国日本批货，真系少啲毅力同体力都搞唔掂。谂深一层，其实佢哋赚多小小代购费都相当合理，最重要系香港人紧系要撑番香港人喇！
相信大家呢排都好难出街买衫，不过冬天即将来临，始终都要买吓新衫过冬。事不宜迟，立即睇睇以下3间香港人气女装网店：
店铺一：The J Diary
唔知姊妹们有冇睇开韩剧嘅习惯呢？好似今年大热韩剧《金秘书为何那样》、《触及真心》、《她的私生活》等等，剧中嘅女主角—朴敏英、刘仁娜，简直就系一本行走嘅时尚教科书，佢哋嘅完美穿搭唔单止望落时尚，又不失知性女生感觉。无论系要见老板或见客，成个造型大方得体又唔老套，称得上系职场女士们嘅穿搭典范。
而正因为呢个原因，小编必需推荐The J Diary畀一众姊妹。The J Diary主打韩风简约清新女装，店主系半定居于韩国嘅香港人，唔知系咪呢个原因，店主挑选嘅服装都非常贴近韩国嘅潮流。而且大部份款式都好适合返工着，店主拍摄嘅实物图完全就系韩剧女主角本人！！以后OL姊妹们又多一个入手返工衫嘅选择喇👏🏻。
Instagram：@thejdiary / Facebook：@thejdiary
🔻The J Diary秋冬新品🔻
店铺二：Secro Store
如果上面嘅风格唔啱你嘅Style，唔知日系小文青风你又钟唔钟意呢？Secro Store主要系代购品牌货品，例如Nike、Champion、Kangol、Stussy等等。虽然某啲品牌喺香港都唔难揾到，但一啲大热款式，香港就真系未必买到。（温提：代购自有风险，买家请自行斟酌购买）除咗品牌货品外，仲有大量韩国女装，就连男装都有卖㗎💕。
而对于小编嚟讲，Secro Store最大卖点就系靓靓店主，事关最初小编第一次发现呢间网店，就深深被店主甜美嘅笑容击败，义不容辞立即Follow该网店IG。店主仲会系IG上分享自己生活旅游点滴，剩系睇吓店主嘅照片就已经够晒赏心悦目喇🥰。更值得一赞系，Secro Store不久前推出咗7天退货服务保证，真系好少本土网店会提供到呢个服务，咁以后即使收到货发现唔啱size都可以放心退货喇！
Instagram：@serco.storee
🔻Serco Store 秋冬新品🔻
店铺三：Brown sugar
职场女装同埋小文青风格你都唔啱？唔怕！小编最后介绍嘅网店—Brown sugar主打Made in Korea嘅韩国简约休闲女装，大部份嘅服装都系以净色为主，并没有任何花巧嘅图案或花纹。亦正因为呢个原因，Brown sugar嘅服装就比较唔挑人，任何身形、高度嘅女生都啱着。事关好多时逛网店，Model们唔系高高瘦瘦、白白净净就系靓靓女女，虽然望落系好吸引，但当幻想自己着住Model套衫就唔多唔少会有点怯，担心自己驾驭唔到。
而Brown sugar嘅Model上身图就相对“贴地”得多，Model们感觉已经好有亲和力，睇佢哋嘅穿搭示范，就好似你𠮶闺蜜话你知边件衫好睇一样，真系经常睇睇吓就唔觉意被烧到㗎🔥！
其实Brown sugar 喺旺角砵兰街都设有实体店，如果你实在好心急想要买现货，都可以直接上去门市逛逛。
Instagram：@brown_sugarsugar
🔻Brown sugar 秋冬新品🔻
香港网店绝对不比国外网店差，请大家多多支持香港本土女装！💪🏻💪🏻💪🏻
（以上资料以官方最新发布为准）
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！