派对女孩必入! 5款Casual Party Dress灰姑娘都立即变身Party焦点
过去嘅万圣节相信大家都玩得唔多尽兴，不过唔紧要，眨下眼又到年尾，又系一众派对聚会涌住嚟嘅日子，辛苦咗成年，难得有机会当然要好好放松玩尽佢！想横扫各大派对，各位party queen又系时候要买定战衣，小编最近正好搜罗紧各款适合派对打卡嘅party dress，如果各位姊妹们都烦恼紧着乜好，不妨睇睇以下推荐，或者会为你带嚟灵感！
要拣Party dress真系话难唔难，但话易又绝对唔容易，因为一条适合派对嘅裙并非只一味讲求靓、性感、抢眼，而系需要配合埋场合同埋出席嘅对象。如果系节日party，小编建议各位姊妹们选择Casual款Party Dress，款式简单得嚟往往会带少少设计上嘅亮点，或者小性感嘅元素，最重要系唔会太夸张，就算平时都一样着得，唔怕浪费！
▼Casual Party Dress 之选▼
Mercci 22 荷叶鱼尾蕾丝洋装(Dance bohemia) NT$1080
白色属于稳阵又大方嘅颜色，荷叶边同后背嘅小v令整条裙感觉优雅，而又唔会令成个look过份隆重。下摆嘅鱼尾设计亦可以突显各位姊妹妹嘅身材曲线，性感而又唔会太over！
MISSGUIDED 荷叶边连身短裙 HK$178.9 (原价HK$259)
特别适合late night party嘅款式，肩带、心口位以及下摆都用咗荷叶边，透过小小嘅细节点亮咗成条黑色裙，有型得嚟又有女人味！
Gloria Black Dress HK$580
呢条裙简直令小编眼前一亮！虽然用咗好大面积嘅网纱设计，但因为加咗colorful嘅刺绣小图案，所以就算see through都唔会有老套感觉，而高领位嘅laces边就好似choker咁，令成条裙都充满个性！
MEIER.Q 仙女飘逸洋装 NT$990
呢款长裙适合出席一啲比较庄重同斯文嘅派对，手臂位使用咗透肤嘅雪纺材质，再加上同色系嘅波点花纹设计，斯文中又带点可爱，更有种隐隐约约嘅小性感，就算party完咗，返工着都唔怕浮夸。
Libra Black Wrap Dress HK$580
同样都系黑色荷叶边小短裙，但呢条就多咗星宿同星座图案，可爱之余又唔会太过少女。
小编今次推荐嘅五条裙分别系嚟自网店Mercci 22、MEIER Q、ZALORA同Aleshia，除咗以上款式，其实呢几间店都有唔少适合派对嘅裙装，而且全部都可以直接送货到屋企门口，慢慢拣唔使烦！
(产品资料以最新官方发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！