可爱平价AirPods Case大汇集!秋冬来到 不如帮AirPods着番件外套?
嘘！偷偷话畀大家知，作为外貌协会会长嘅小编，当初睇中AirPods嘅幕后原因莫过于系可爱嘅AirPods Case实在太多，萌到小编内心潜伏已久嘅少女心都爆发了！为咗带呢班小可爱返屋企，小编唔单止入手咗AirPods，仲喺淘宝上拣咗好多AirPods Case。但系望住淘宝上面海量嘅款式，真系稍为有小小选择困难症都拣唔到。所以经过小编层层筛选后，挑选咗以下款式，全部都系精英中嘅精英，一齐跟住小编嘅推荐清单加入购物车喇～
店铺一：《Gemini工作室》
1. 养乐多乳酸菌AirPods保护套 ¥23
OH MY GOD！小编内心要融化了！即使从来都冇一日一益力多嘅习惯，但小编都要收服佢，皆因佢𠮶表情实在太萌太QQ，可爱得太过份喇！犯规！😤
2. 悲伤青蛙AirPods保护套 ¥23
PePe可以话系WhatsApp界新晋网红，基本上人人一套PePe Stickers🐸。如果你都钟意PePe够搞怪，呢款保护套一定正中你下怀。见到PePe咁惨惨猪嘅表情，真系忍唔住要带你返屋企至得！
除咗上面 2 款，同一店铺仲有好多独一无二嘅Q版卡通造型AirPods Case，大部份都系硅胶材质，而硅胶唯一缺点系物料比较厚，导致Airpods笠咗Case之后会变大旧咗。不过胜在外型搭救，好喇，见你哋咁可爱小编就原谅你哋喇！
🔻揿下图睇更多《Gemini工作室》AirPods Case🔻
店铺二：《九点半open》
3. 泰迪狗小熊针织毛线AirPods保护套 ¥49.9起
呢个咁QQ嘅贵妇狗仔AirPods Case系由店家织织复织织，一针又一针咁纯手工编织而成㗎！虽然价钱贵小小，但手工嘢贵啲都好合理。最重要系够晒得意，仲要同小编屋企嘅小毛孩撞晒样，点舍得唔带佢个孖生兄弟返屋企啊？😍
4. 秋田犬针织AirPods保护套 ¥49.9起
如果你对贵妇狗冇乜Feel，唔知你又钟唔钟意秋田犬呢？呢款秋田犬Case仲有对QQ立体耳仔，真系可爱到令人毫无抵抗能力！可爱程度，小编会畀你满分！
🔻揿下图睇更多《九点半open》AirPods Case🔻
5. 吐司面包挂件AirPods保护套 ¥28.8
若果你哋厌上面啲款式过于浮夸，咁呢款Case绝对系低调嘅可爱。皆因保护套系全净色，仲要系今期流行—奶茶色，再望望买家实物图，真系完全无色差。而且皮革质感出乎意料地好，望落唔系廉价嘅Cheap皮。当然，成个Case嘅重点就系旁边𠮶Q版方包公仔锁匙扣喇！保护套仲附设埋安全扣，可以将AirPods扣系手袋上面，唔怕整唔见之余又可以做装饰！
🔻揿下图睇更多《IF CHIC 潮物贩卖》AirPods Case🔻
其实AirPods Case 唔单止可以起到保护作用，防止刮花同整污糟。更重要系其实快乐都可以好简单，望住啲咁可爱嘅Case，已经好治愈，心情都会豁然开朗。😊
好喇！事不宜迟！大家马上动起来，帮你哋𠮶AirPods拣番几件新衫衫喇～
(产品资料以官方最新发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！
👉按此赞好《一网打尽》Facebook专页👈