【哈佬喂又到】小朋友扮鬼扮马着乜好? 严选4款万圣节COSPLAY服

一年一度嘅哈佬喂又到喇！万圣节Party又点止得大人份，好多学校都会趁机举办万圣节Party，畀小朋友扮鬼扮马放下电，身为家长当然要为小朋友准备好件战衣，喺佢地大玩特玩之时又可以顺道影番辑靓相！之不过比起大人，能够取得小朋友欢心嘅万圣节衫绝对唔容易揾，而且下年着唔番亦好浪费！所以小编今次为大家严选咗4款淘宝买到嘅激萌万圣节童装，各位爸妈买到靓衫之余又可以锡住个荷包！

1. 爱丽丝梦游仙境主题 亲子男女童服饰 ¥118

小朋友对于职业装扮未必有兴趣，相反童话就能够令小朋友玩得更加投入！呢款爱丽丝梦游仙境系列集合咗爱丽丝、妙妙猫、爱尔兰妖精等多个可爱角色嘅服装，质料上选用咗唔会起毛粒嘅透气物料，而且造工毫不马虎，就连妙妙猫嘅尾巴、爱丽丝嘅头饰都统统有齐，正所谓临时演员都系演员，做到足，抢晒FO！

呢个系列除咗童装之外，亦都有相对应嘅成人款式，尺码由3岁幼童至成年男性都一应俱全，成家着住同一主题嘅服饰，回头率一百！

👉按此经“一网打尽”购买赚01积分👈

2. 黑魔后沉睡魔咒主题女童服饰 ¥38起

虽然王子公主仍然系好多小朋友嘅首选造型，但总有啲小朋友系不落俗套，特别钟情于邪恶又霸气嘅角色，咁黑魔后呢个主题绝对可以符合大家要求！呢款黑魔后系列服装由韩国制造，属于今年万圣节最新款式，无论系设计定做工都相当细致，最特别之处系裙内包含可拆式发光装置，并同时具有发光及闪光两种灯光模式，即使天黑黑都唔会隐没喺人群之中，咁就唔怕着咗靓衫又冇人睇到！

呢个系列适合3岁至8岁，身高介乎100cm至130cm女童穿着，款式有贵族女巫，以及沉睡魔咒女巫两款可选，小朋友想优雅定想霸气，自由选择！

👉按此经“一网打尽”购买赚01积分👈

3. MARVEL复仇者主题男童服饰 ¥38起

MARVEL除咗俘虏咗唔少大人嘅心，入面嘅角色更加系好多小朋友嘅偶像！今次推荐呢款复仇者联盟主题服装同样属于韩国原单款，成个系列共有5个大热角色，包括美国队长、雷神、IRON MAN、蜘蛛侠、星爵俾大家任均选择，所有服装都会配埋英雄配件，好似雷神呢款就会连埋头盔同雷神之锤，大家无需再额外购买，方便得多！部分配件仲会有发光功能，设计非常仔细！

服装适合3岁至8岁，身高介乎100cm至130cm儿童穿着，部分款式亦有成人款，各位爸爸今次可以同仔仔一齐组番个复仇者联盟！

👉按此经“一网打尽”购买赚01积分👈

4. 哈利波特主题男童服饰 ¥5起

相信每个小朋友都曾经幻想过自己识得魔法，揸住支魔杖就可以随心所欲，如果你嘅小朋友都系魔法迷，不妨入手呢套哈利波特服装，圆下佢地嘅小心愿！巫师袍共有4个款式，对应番哈利波特中嘅4个学院，每件都绣上咗学院嘅徽章，大大尖尖嘅袍帽更系跟足电影服装，还原度极高！

👉按此经“一网打尽”购买赚01积分👈

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈