【中秋好活动】中秋去边玩？带齐六大野餐装备 一边野餐一边赏月
秋风起，又嚟到野餐嘅季节。今个星期五就系一年一度嘅中秋节， 添马公园、西九海滨长廊、佐敦谷公园、观塘海滨花园都系热门嘅野餐赏月圣地，大家不妨趁住中秋月圆之夜约埋亲朋戚友、三五知己一边赏月一边野餐喇～小编今次为大家推荐六大野餐必带装备同用品，唔单止实用而且颜值又高，即刻跟住小编嘅推介去野餐喇！
1. Ins风便携加厚野餐垫 ￥42起
一提起野餐必定会谂到最重要嘅野餐垫！呢款野餐垫系最经典嘅格纹图案，有多种颜色选择。尺寸最细系150 x 200cm，仲有超加大尺寸300 x 300cm，就算一大班朋友去野餐都唔使再带多几张野餐垫喇！野餐垫表面防静电，而底面就系防水防潮设计，野餐垫有足足6mm嘅海绵夹层，厚度完全照顾到pat pat嘅感受，有咗佢就唔怕坐到pat pat痛喇！
2. 户外野餐藤编篮 ￥20.87起
野餐又点少得野餐篮呢？野餐篮绝对系一个既实用又可以帮相片大大加分嘅小道具，如果你都钟意打卡影相，咁就一定要入手一个喇！呢个野餐篮有三个尺寸(大、中、小)可以拣。全部都系由纯原木编织而成，内里有亚麻质料嘅田园风内衬布。如果想影相时更有feel，可以参考番买家秀，喺野餐篮上插上几朵花或气球做装饰。
3. 户外野餐露营全自动帐篷 ¥169起
去野餐大阳好晒点算好？呢个时候就需要有个帐篷，而小编推荐嘅呢款帐篷就啱晒带去野餐用喇！皆因佢系全自动设计，采用液压式弹簧支架，只要轻轻一压就可以一秒开帐同收帐。四边网纱设计，通风透气之余又可以防止蚊虫飞入嚟。
4. 印第安风格小帐篷 ¥198起
如果你系钟意影相打卡就一定要入手呢款印第安风小帐篷喇！呢个小帐篷布料系采用全棉加厚帆布，安装过程都好简单方便，唔去野餐嘅时候仲可以放喺屋企做摆设𠻹！
5. 94L特大号加厚保温袋 ¥89起
呢款加厚防水保温袋容量极大，有50L、70L、94L 三个容量可以拣，可以保暖同时又保冷，以后带香槟、蛋糕去野餐都冇难度喇！
6. 一次性纸盘纸碟 ¥8.5起
有美食又点可以冇一个靓靓嘅器皿装住呢？正所谓“魔鬼藏在细节里”，餐碟都系野餐嘅重点之一！呢款一次性纸质餐碟颜值极高，有小编最爱嘅大理石纹再配烫金边设计，影相完全睇唔出系纸造嘅碟，仲有多款颜色可以拣𠻹！
睇完小编心水推荐之后系咪都心郁郁好想去野餐呢？心动不如行动！即刻买齐以上装备，约埋三五知己开野餐party喇！
(产品资料以官方最新发布为准)