屋企似乱葬岗？你需要淘宝收纳神器！几招教你执整齐屋企！
平日屋企咁多杂物，执好一阵转头又乱番，究竟有咩大法可以一劳永逸？平日等小编教你几招收纳大法啦！有齐以下小法宝，个个都可以做收纳达人！
家居房间收纳篇：
1. 内衣袜子分格抽屉式收纳盒 ¥14.8起 原价¥28起
平日内衣同裤折住放埋一齐好容易就乱，最好就系揾个收纳盒装好佢哋！呢款收纳盒有好多款式任你拣，有格冇格有盖冇盖，10格或15格都可以选择。将内衣同裤分类收好晒，就咁睇已经够晒治愈！而且呢个收纳盒嘅size都好适合放喺柜筒，拎嘅时候都好方便。
2. 恤衫防皱叠衣板 衣柜收纳神器 ¥19.9起 原价¥103.6起
有时可能买太多衫，屋企又冇衣柜，恤衫可以点放好？买番几个恤衫防皱叠衣板啦！有细码同大码分，都系5个起。利用个板将折好嘅恤衫分隔好，咁样就唔怕揾衫嘅时候会将折好嘅衣物搞到乱晒！虽然叠衣板占嘅位置会多咗，但系恤衫如果冇位挂起，咁样嘅做法就整齐喇！仲可以悭番烫衫嘅时间𠻹！
3. 12片抽屉收纳分隔板可自由组合 ¥18.8 原价¥37.6
有时有啲零零碎碎嘅小物件，即使原本整齐放喺柜筒，但系经常开吓闩吓咁样好快又乱过。呢个时候可以用个收纳分隔板帮手啦！可以自行量度收纳空间，再自由组合分隔板，如果柜筒摆唔落收纳盒的话用佢就啱晒喇。无论系厨房刀刀叉叉，定系文具等等，都可以利用分隔板整齐地喺柜筒放置好。
4. 衣柜免钉分层伸缩杆 ¥2.6起 原价¥2.9起
如果屋企唔够地方晾衫嘅话，用呢个多功能伸缩杆就啱晒喇！唔使打孔，安装简单，如果衣柜唔够位挂衫，可以加呢条伸缩杆，立即多咗好多空间挂衫！喺厕所一样可以用到。如果衣柜隔格空间唔够的话，仲可以利用伸缩杆作为隔板，喺同一水平加多几枝伸缩杆，立即变成一层隔板，可以放啲厚衣物或者被铺。
5. 书本文件塑胶收纳箱 ¥21.9 原价¥36.8
相信大家屋企一定有好多文件﹑笔记，书呀信呀等等，又唔知点样先可以分类放整齐。利用呢款收纳箱就方便得多啦，将重要文件分类放好，揾起上嚟都可以好快手。而且唔单止可以放书本﹑文件，放衣物﹑毛巾，抹布等等都一样可以！收纳箱有设计handle位，即使载咗重嘢拎起上嚟都可以好方便。最紧要系佢简单洁净嘅外表！完全就系走无印简约风，放杂物都可以美美的。
厨房收纳篇：
1. 密封罐食品收纳罐子 ¥1起 原价¥1.4
如果你同小编我一样，钟意食cereal呢啲谷物片，咁呢个收纳罐罐就好啱你喇！平时谷物片𠮶包装开咗之后就好麻烦，包唔番实就好易搞到啲谷物片淋晒。𠵱家用呢种罐装就方便晒喇。而且平日煲汤储储埋埋都好多药材或者唔同材料，全部用晒呢种罐载好，咁就可以整整齐齐，唔使再一袋二袋喇！
2. 日本进口冰箱保鲜盒可微波炉加热 ¥16.5 原价¥18.5
平日如果钟意带生果返公司食的话，可以买番个保鲜盒，方便摆洗好嘅生果，摆喺雪柜又可以保鲜。平日煮饭有时啲食材用唔晒又切开咗的话，都可以用呢种保鲜盒载好，再放番入雪柜，例如柠檬﹑蕃茄等等。而且呢个食物盒仲可以放入微波炉叮，所以如果用嚟带饭返公司食都好方便。
3. 冻家用冰箱收纳多层保鲜盒 ¥44.8 原价¥94.8
平日如果钟意包吓饺子的话，有咗呢个雪柜专用嘅多层保鲜盒就可以方便得多喇！平日小编包完饺子都系就咁放晒喺个tray度，再铺层保鲜纸放入雪柜就算，其实都几麻烦。𠵱家有咗呢个保鲜盒就可以好方便咁分类好食物放入雪柜喇！记得要铺啲疏菜喺个底先再放饺子啊，以防会痴晒底。
快啲睇齐以上法宝将屋企执番整齐啦！
(以上资料以官方最新发布为准)