《美食敢死队 》卖坚果嘅三只松鼠？试食月销量过万嘅零食！
有睇过内地电视剧嘅应该都会听过三只松鼠呢个牌子，随处可见这三只松鼠嘅身影，好奇心之下试食专员都打开淘宝网搜寻下三只松鼠究竟有咩咁特别。发现原来三只松鼠唔只有坚果咁简单，仲有好多其他唔同种类嘅零食。所以特别淘咗销量同好评最多嘅零食返嚟为大家试食！
1. 坚果大礼包 领券价¥78(1373g 7袋)
试食专员对三只松鼠嘅第一印象就系坚果啦！天猫三只松鼠旗舰店都标榜住【连续7年全网坚果零食销量第1】，令试食专员对三只松鼠嘅坚果大礼包都充满信心！
大礼包足足有1373g差不多1.4公斤咁重，分为活力版同红黄款。两款入面都有7款零食，活力版系手剥巴旦木(外形同杏仁好似但唔系杏仁嚟)、纸皮核桃、多味花生、兰花豆、蟹黄味瓜子仁、蟹香蚕豆及卷卷果丹皮；红黄款系碧根果、夏威夷果、炭烧腰果、多味花生、兰花豆、蟹黄味瓜子仁及蟹香蚕豆。
两款礼包无法指定随机派送只好靠运气啦。试食专员收到嘅系红黄款。入面嘅兰花豆其实都系蚕豆，只系制作方法同调味不同。坚果食落新鲜没有坏没有油膱味，口感好脆。一次过可以试匀好几种坚果特别有满足感。
但系记得准备好剥壳工具，有啲坚果系冇剥壳的，要自己动手啦！现在店铺仲有活动满¥88减¥25！¥63就可以买到啦！真的好抵，7款坚果里面有碧根果同夏威夷果这两款比较贵的果仁，再配其他相对平少少的花生和蚕豆感觉上都合理抵买。这样的价钱在香港是很难买到咁多坚果的！
记得领取埋¥10优惠券啊！
2. 猪肉脯 ¥18.9
猪肉脯有3种口味，原味、香辣同芝麻味。3种口味都是咸口，没有什么甜味。芝麻味是整块猪肉脯上都黏住芝麻，芝麻味道很香口感都丰富一点。香辣味是小编觉得最好吃的，不会太辣，味道令人越食越上瘾。但系猪肉脯比较薄身，而且肉质比较亁身和硬，要咬比较耐。每小包内有薄薄3块，份量都几足够，过口瘾必备零食。
3. 手撕面包 ¥24.9
呢款手撕面包果然“包”如其名，徒手就可以一层又一层咁撕开。质地非常松软，如果放落微波炉稍为加热一下，真系同新鲜出炉嘅面包冇分别㗎。味道方面系醇醇嘅奶香味，唔会过甜或过淡，一啲都唔会腻。小编认为如果再配搭埋一杯酸奶就系一个简单快捷又完美嘅早餐啦！
三只松鼠嘅零食又点止得咁少呢？想知道仲有咩零食买？即刻click入下面条link睇睇啦！
(产品资料以官方最新发布为准)(文章纯属作者个人意见，不代表香港01立场。)