雀仔街虐雀｜郭秀云：有雀鸟被磨走半个嘴　小朋友睇到佢虐待就喊

旺角花墟园圃街雀鸟花园疑出现虐雀老档主，不少购买受伤雀鸟的苦主今日（6日）上门声讨，惊动警方、爱协及渔护署到场。一向爱护动物、更自费成立雀鸟保护组织的艺人郭秀云庆幸涉案档主被捕，又指事件已持续两、三年，苦主们已不止一次报警求助，她指有鹦鹉被磨走半个嘴，不少更已丧命，“直情系虐待嘅行为‥‥‥小朋友睇到佢（涉案档主）虐待就喊！”

郭秀云今日现身雀鸟公园时表示，过往已接获不少苦主求助，她指该档口不少雀鸟非死即伤，有人亲眼目击涉案档主用棍打死雀鸟，亦有雀鸟身受重伤，“磨到周围血，冇咗半个嘴，年半先好返慢慢生，已经叫好彩！好多例子，有好多已经系死咗！”她指有人因同情雀鸟惨况而买雀，接获求助后，曾协助介绍兽医，亦曾帮忙照顾受伤雀鸟。

对于档主的粗暴行为，郭秀云不排除因档主脾气暴躁，“啲雀恶咬佢，佢就揿住佢个头，扯住嚟刮佢个嘴！佢脾气暴躁唔紧要，唔好虐待，咪做第二啲嘢啰！唔好讲话系爱雀啦，直情系虐待嘅行为！”她指，虐待事件影响深远，有孩童曾因此受惊痛哭，“小朋友睇到佢虐待就喊，我朋友话拖个女睇到打雀会喊！”

郭秀云庆幸档主落网，“几好吖，希望今次成功‥‥‥大家都惆怅咗好多年，唔知点处理‥‥‥每一次有人去举报佢（涉案档主）嘅时候，巡一巡，一个警告，冇事发生过。”她指，爱护动物、雀鸟、鹦鹉的人愈来愈多，大家都有共鸣去保护雀鸟，大家都要发声，因此认为设立动物警察十分重要。