情人节│叹疫下朋友间失关怀　买花人夫陆生：情人节属于成个世界

第五波疫情大爆发，市道惨淡，情人节气氛大不如前，人夫陆先生今早到太子花墟买红玫瑰送给太太，他称疫情下“更加要做多啲嘢”，除了情人，亦关怀朋友、亲人，“其实情人节唔系属于情人咁简单，我觉得系属于成个世界、成个香港。”

陆先生与妻子相伴17年，他说由拍拖时每年情人节都会送花，今年花价便宜很多，“呢紥平咗200蚊”，但他听说由于外国运送本港人手不足，运输成本大幅上涨，荷兰等地到港的鲜花加价200多元，内地到港可能较便宜。他称买花的预算“睇老婆头，因为我啲钱喺晒老婆度，买咁贵又唔钟意，所以我要买啲性价比高嘅，本来我嘅budget（预算）年年都系800蚊以下，超过一千、八百我就有啲却步，始终成本效益。”

陆先生今年买了一紥红玫瑰送给太太，“佢次次都叫我唔好买，不过我唔听佢讲”，但太太收花的心情一向不俗，他认为“都系心意，同埋𠵱家疫症底下，更加要做多啲嘢，因为个个戴口罩，挂住防疫，失去咗啲朋友应该嘅关怀，未必一定系庆祝爱人，朋友未有疫症之前好多都会送朱古力，同啲亲友讲声情人节快乐，其实情人节唔系属于情人咁简单，我觉得系属于成个世界、成个香港。”