01专访│潘晓颖母质问林郑：特首你初心去咗边？点可以袖手旁观？

台湾杀人案陈同佳去年10月23日就洗黑钱罪在港服刑完毕，并称会前往台湾自首，惟至今仍未起行。潘晓颖母亲日前接受《香港01》电话专访时，问特首林郑月娥“仲要用纳税人嘅钱养陈同佳到几时？”
今日（29日），林郑月娥在出席行会前见记者，拒评警方为陈同佳提供安全屋，又指自己过多的回应或令潘母情绪上更加波动，“可能我越讲，你哋越去报导，就令到佢可能情绪上更加波动，我知道，我完全明白佢（潘太）心情。”
今日下午，潘母再发声，质问林郑两年前曾称其初心是为了帮助潘家，为何两年后可以事不关己，“你两年前话畀我哋听，你嘅初心就系为咗帮阿女，而推出咗个修订逃犯条例，但系依家你嘅初心同以前嘅初心，点解分别咁大嘅呢？你嘅初心究竟去咗边到呀？作为一个负责任嘅政府，对呢件事唔应该袖手旁观。”

潘母：点解林太唔直接召见陈同佳呢？

林郑于记招上称，管浩鸣牧师昨日致电她，表示今个星期会同陈同佳家人见面。惟潘母称，管牧师日前已经表示不再是陈同佳的代言人，“咁点解仲要揾管牧师嚟代劳呢？点解林太唔直接召见陈同佳呢？问清楚佢嘅意愿。”潘母最后再次呼吁陈同佳前往台湾自首，“陈同佳，勇敢企出嚟，承担佢嘅责任，马上去台湾投案。”