【议员遇袭．专访】细说遇袭感受 邝俊宇：情绪要时间克服
“我唔可以惊，我惊香港人就会更加惊，所以不断提醒自己要坚强”，这是立法会议员邝俊宇自9月遇袭后的第一个专访，他称伤不是大事，惟事件带来的情绪仍需时克服，而细读支持者寄给他的信，是陪他走过情绪低谷的最好良药。
自8月后，或许有人发现邝仔不像运动初期般，常出现在前线，他解释指，当大家“Be Water”后，已没有所谓的主前线，惟接到求助时仍会飞奔去支援，反而遇袭后，当他出现在前线，会遭受到前线手足善意的责骂，“叫我唔好再出现，仲话‘得啦，交畀我哋啦’，我话傻啦，我点样都唔会退，我点样都会继续帮”。
依家真系好黑暗，但系香港人嘅良心，最终系会照亮番成个香港，我哋有嘅系香港人嘅良心，大家唔好怕。
“呢场运动入面系冇一个‘神’”
6月开始，邝俊宇赶赴每一个冲突现场，无处不在的他被网民称为“邝神”，惟访问中邝俊宇强调，“为呢场运动付出嘅系每一个人，冇话边一个系特别好，我再强调系呢场运动入面系冇一个‘神’。”
由“邝仔”到“邝神”，由拿著警察通例监察警方有否无理搜身、612在立法会外呼吁示威者不要受伤、目睹示威者堕楼、到9月遇袭，36岁的他没想过放弃，“你问我点解会咁坚持，我心谂早喺运动嘅开头一个星期已经种咗落嚟，尽管之后冇咗所谓嘅前线，我哋团队系背后都去支援唔同嘅人，系好值得，几攰到好值得。”
遇袭过后
他的付出港人看在眼中，当9月24日当传来邝俊宇遇袭的消息时，很多人不解，为何一个如此“和理非”的人，也会受到暴力的对待，直至这一刻，邝俊宇称当他在前线出现时，支持者仍会担心，“去到呢一刻佢哋都好关心，都好惊，叫我唔好再上前线，叫我唔好再出现，仲话得啦交俾我哋啦，我话傻啦，我点样都唔会退，我点样都会继续帮。”
遇袭后留下阴影
由以往收到恐吓至被袭，邝俊宇坦言心中有阴影，走路时亦会不自觉向后望，“其实伤就唔系太特别嘅，老实而言，情绪系要努力嘅，但系我觉得我唔可以惊，我惊香港人就会更加惊，所以不断提醒自己要坚强、要坚强”。
支持者亲笔信支撑 走过情绪低谷
而令邝仔坚强的后盾，是来自同路人的支持，一封封支持者的亲笔信成为他办公室另类的连侬墙，收到手作相簿时，邝俊宇更是眼湿湿，“半年前你唔会谂，一个市民会送一份礼物比一个议员，所以我觉得我系同香港人共过患难，所以好感激香港人。”市民的一字一句陪他慢慢走出遇袭阴霾，“好吃力㗎，𠮶个情绪要克服嘅时间，我觉得手足畀我嘅支持、畀我嘅信我每封都睇，你问会唔会有帮助，我想讲有好大帮助。”
受袭为他带来心灵创伤，而发生在运动初期，目睹梁凌杰于太古广场堕楼，更令邝仔心如刀割，“我好伤心，𠮶日我都有沉淀，第二日200万人游行我系冇参与，呢个系我喺呢场运动嘅一个空白，𠮶日我去咗郊外行山，好痛啊，好辛苦呀，我记得𠮶一两个月我系好难挨、好难过㗎，你一定要好坚持一啲信念你先可以走落去。”
邝俊宇称，在那场他缺席了的200万人游行后，当晚他得知夏悫道一带有危险时，他选择返回立法会，急步经过太古广场时，全场的人为他打气的画面他永远不会忘记，“经过太古𠮶一段路，我谂系我呢一生人未经历过，你会感受到大家都好支持你，你真系唔好冧呀，系𠮶刻我就同自己讲，‘我真系唔可以冧’”。
唔会惊畀人闹咩？如果惊俾畀人闹就唔去嘅话，我就会好后悔，我只系做紧一个民选议员应该要做嘅事情，番返嚟依家慢慢沉淀，我觉得只不过系做紧我哋觉得系正确嘅事。
信任的建立
611监察警方无理搜身 嬴得手足信任
为何一个来自备受质疑的民主党议员会深得民心？“回头望返611真系呢件事嘅分水岭，原来民选嘅议员系可以咁样去做一啲工作。”6月11日晚，金钟站出现警员无理搜身，拦截一班年轻人要求他们一字排开，“咁原本警方嘅搜身一路做落去系可以起到阻吓，打散到大家𠮶个凝聚。”于是邝俊宇拿著《警队条例》于金钟四处游走，要求警方按通例行事，“傻傻瓜瓜咁两个人就走匀成个金钟，通左一晚顶，目标系边度有混乱、边度有对峙我哋就过去解围，咁结果就系第二日朝头早好戏剧性咁，你真系包围咗成个立法会嘅建筑物，𠮶票曾经会影响整个香港命运嘅𠮶一票，就系因为学生嘅努力、市民嘅努力成功堵截系历史嘅外边。”
感激得来不易的信任
访问中，邝仔讲了不下十次的“感激手足”，很感激这得来不易的信任，“𠮶一晚(611晚)之后，我哋系同所有嘅手足共过患难，大家想像下如果唔系有611𠮶晚大家嘅坚持，根本就系冇可能系𠮶朝早嘅11点半钟就宣布个会议系开唔到，亦都系听到呢个消息，我放松先够胆晕一晕，我唔系晕到昏迷㗎，我系晕一晕啫。”他轻描淡写地说晕倒一事，却不知当时令在场人士多么的紧张。
他生怕政府出尔反尔，突重新召开二读，晕倒后没有前往医院，只是回到立法会办公室休息，至下午爆发冲突时，他不理助理的反对，再次返回现场协调，“我系议员，我觉得我应该要在场，因为我知道比我更辛苦嘅人更加多，在场嘅每位学生、每位手足都更加辛苦，议员只不过系坚持一啲应该要做嘅公义，佢（警方）唔合理我哋系要跟进到底。”
邝俊宇多番强调，身为议员，保护市民、保护学生是他的天职，“如果惊畀人闹就唔去嘅话，我就会好后悔。”
过去数个月，自问真系冇一样嘢可以接受，警队得来不易嘅声誉，就因为林郑月娥一个而毁于一旦，林郑月娥系近乎将成个警队摆上台，你见到好多嘅情况佢哋系好重手，但𠮶啲系我哋嘅学生、我哋嘅年轻人，系咪真系要咁重手，真系要咁狠。
幕后工作
随著运动的发展，示威者以“Be Water”的形式进行，没有了主前线的抗争一度令邝仔思索可如何支援这场运动，除了仍是第一时间赶到现场，在幕后他亦默默支援手足，接触越多的个案，越发现荒谬的事不断发生，“过去数个月，自问真系冇一样嘢可以接受，警队得来不易嘅声誉，就因为林郑月娥一个而毁于一旦，林郑月娥系近乎将成个警队摆上台，你见到好多嘅情况佢哋系好重手，但𠮶啲系我哋嘅学生、我哋嘅年轻人，系咪真系要咁重手，真系要咁狠。”
心痛年轻人被捕 盼官员从因解结
眼看著被捕的未成年人或学生数字越来越多，邝俊宇感到心痛，他希望不食人间烟火的高官能用心了解事件，看看这班年轻人为何愿意冒著前途尽毁的风险，走出来为这个城市抗争，“佢哋冒嘅风险好大好大，唔系一啲高官能够谂得到㗎，一啲高官其实好多时候落嘅一啲决定、讲嘅一啲说话，系完全唔知道民间嘅温度，我希望啲高官去谂一谂，点样从个‘因’去解开个‘结’，警暴系一个绝对嘅问题，你解决唔到警暴，你行唔到下一步。”
听著一个个求助个案描述被警棍打至头破血流、骨折的警暴遭遇，看著警方一个个“警队没有错”的回应，“我谂公道自在人心，我哋已经唔再系透过一两个电视台可以控制晒舆论嘅时候，大家透过直播系可以睇到𠮶个事实嘅真相，同埋唔系你恶晒㗎。”
发挥议员功能 追究警暴
邝俊宇称，一定会在议会中发挥民选议员的功能，尽一切的能力去追究警暴，“如果喺呢一个情况下，我哋都唔能够追讨返一个公义，咁721、831呢啲事情，点样可以叫我地香港人下一啖气呢？我觉得最终政府系要回应，呢几个月嘅乱局，林郑及其管治团队系始作俑者。问心𠮶句𠮶啲，逗咁多人工嘅高官，呢几个月做过啲乜呢，真系令人叹为观止。”
我系议员，我觉得我应该要在场，因为我知道比我更辛苦嘅人更加多，在场嘅每位学生、每位手足都更加辛苦，议员只不过系坚持一啲应该要做嘅公义，佢（警方）唔合理我哋系要跟进到底。
煲底之约
访问尾声，记者问邝仔有什么想和香港人说，邝仔停顿了一下说，“依家真系好黑暗，但系香港人嘅良心，最终系会照亮番成个香港，我哋有嘅系香港人嘅良心，大家唔好怕。”
他日煲底除罩相见时，邝俊宇会同大家讲咩？“我会用一首歌去同大家分享，就系阮民安𠮶首歌“煲底之约”，因为佢邀请我填词，我用一个月嘅时间填咗一首我自己都好满意嘅词，我相信到时手足听到呢作品系会心领，好明白呢几个月嘅辛酸。”