【霸王区议员】狂插警员抄牌系“滥用警力”　网民围剿：垃圾！

“我唔介意你抄（牌），但我实同你指挥官讲！”面对着词锋尖锐、恃势凌人的区议员兼村长，抄牌警员应如何自处？平安夜（24日）晚互联网疯传一段短片，某位自称是村长的区议员于一咪表停车场妙语连珠，“狂插”警员入村抄牌是滥用警力，霸气称：“有人投诉冇所谓，而家冇人投诉吖嘛！”更扬言向该警区指挥官投诉。气燄之大虽令警员毫无招架之力，却燃起广大网民怒火，有心水清的网民旋即认出现场是粉岭围、该“霸主”疑是北区区议员彭振声，一面倒挞伐：“咁嘅垃圾都可以做议员！”

点只冇法律常识，听佢讲嘢，就知佢冇做人的基本常识。

哗，歪理变道理！区议员好威威猪喔！

▼“我认为你系滥用咗你嘅警力”

惹来一片谩骂声的影片长5分钟，相信是由该名自称是区议员的男子自行拍摄。片初可见两名警员在一个咪表位露天停车场抄牌，当拍低“罪证”后该男子即连珠炮发，“你哋系咪冇嘢做呢？我认为你咁样入乡村抄车牌呢，你系有职责，你有咁嘅权利，但我认为你系滥用咗你嘅警力！”他又提及当时约傍晚6时许，港铁石湖墟站、粉岭站一带交通繁忙，“点解你唔去𠮶度抄牌呢？呢度又冇人投诉，又唔阻街，乡村嚟嘅！”

▼“我唔介意你抄，但我实同你指挥官讲”

经过一轮“教训”后，该男子随即“挞朵”称自己是区议员及村长，“你呢个时候嚟抄乜嘢呢？上水冇嘢做咩？粉岭冇嘢做咩？火车站冇嘢做咩？”警员虽一度尝试反驳，话音未落便遭到驳斥，“我都话你有权呀，我冇话你冇权㖞‥‥‥点解你刻意要嚟乡村抄牌先？系咪你唔够票（定额罚款通知书）吖？”他又指其他地方更“适宜”警员执法，语带嚣张谓：“我唔介意你抄，但我实同你RC（总区指挥官）讲‥‥‥影晒你number（警员编号）㗎喇！”

▼村民嗌“声哥”支援　“佢想抄我㗎，我X佢之嘛”

两名警员一直以沉默应战，但有人见警员哑口无言即继续发炮：“偏偏入嚟乡村抄牌？头先我见你入去𠮶度抄，𠮶度阻人咩？有人投诉冇所谓，𠵱家冇人投诉吖嘛，扰民吖嘛！”此时更有数名村民以一声“声哥”来支援该男子，认为警员应往其余地方执法，“声哥你咁快走嚟呢度嘅？你早啲嚟吖嘛！”该男子闻言便自豪称自己原本将车停泊于附近瑞柏园，“佢嚟想抄我牌，佢落紧簿架喇，我砵佢‥‥‥我坐喺度又唔系阻街，佢想抄我㗎，我X佢之嘛！”言谈间更夹杂粗言秽语。

村长大晒？表位是政府！你大还是政府大？

网民点睇：

“佢基本上喺度妨碍司法公正！”
“哦，原来乡村唔入表系唔准抄，明白！”
“点只冇法律常识，听佢讲嘢，就知佢冇做人的基本常识。”
“咩区议员咁有食力？”
“有人投诉就冇所谓， 区议员讲㗎！”
“个区议员害死泊车嘅村民。”
“村长加区议员咁穷㗎咩？”
“原来警察咁早执法都有错嘅，议员好嘢！”
“哗，歪理变道理！区议员好威威猪喔！”
“大家日日夜夜去投诉啦！”
“咁嘅垃圾都可以做议员？”
“村长大晒？表位是政府！你大还是政府大？”