九巴状元车长转职路线策划　回首入行时：无想到我的小事启发到人

2013年一个令人印象深刻的报章头版－“状元弃厚职转当车长”，令全港都记住了九巴状元车长梁领彦（Gary）的名字。4年过去，Gary不再只是车长，同时又担当起路线策划的工作。两头烧的工作看似吃力，他却甘之如饴；回首这几年，自言最难忘当初的决定：“无谂到我嘅一件小事，竟然成为鼓励其他人追梦嘅大事。”

如果人生是不停的战斗，Gary大概都是不愿静下来的那种人。这天来到九巴车厂，Gary才刚巧完成拍摄，匆匆赶至的他不慌不忙地换上一身车长制服，再带一行人到巴士上接受访问：“唔好意思啊，最近都有唔同嘅工作，所以时间有啲难就。”一如Gary所言，近期不论在社交网站，还是九巴招聘广告都见到其身影，他听后笑言：“我好钟意试新嘢，有呢啲机会梗系想试吓。”

梦想成真的一刹

曾是9A状元的Gary，在2013年解下领带、脱下西装，放弃了会计师楼经理一职，毅然穿上车长制服、手执軚盘，由白领褪变成蓝领的经历一跃而上报章的头版：“其实我到依家都觉得好神奇，我嘅一个决定上咗头版。”

追梦的故事向来动人，Gary回想梦想成真一刻仿如昨日：“我唔知点形容个感觉，就系好细个已经想做车长、一直都谂住，期待咗好耐。你谂吓，如果你唔系好钟意一样嘢嘅话，要你4点几起身去返工，应该系一件好困难嘅事。”

一再延长的“工作假期”

然而，转变有时却会在你无想像过的时候突然出现。Gary在入职后6个月被调职至策划及发展部，担当起路线策划的工作：“其实我一直都无谂太长远，做车长一开始都当系工作假期，突然有呢个机会都始料未及，同埋通常做路线策划都要有相关经验，所以都好惊适应唔到。”

路线策划究竟是什么工作？“巴士本身有好多路线，有时唔系话想改就改，所以要同乘客、议员同政府倾，同埋都仲有要好似投标咁投一啲新嘅路线。”Gary解释道。虽然他并无相关经验，但凭着对路线的认识，要上手其实都不是难事。

Gary笑言，最兴奋是亲自策划了“亲生仔”290线：“呢条线系来往将军澳同荃湾，个起点就喺我屋企附近，我觉得呢条线好似我亲生仔，因为由最初去拣，到政府拣中我哋，再由我哋点准备开、去宣传，一切一切都好难忘。”

不愿放弃的“战斗”

他更为这个“亲生仔”打破了自己惯常的工作模式：“我好少要求揸啲咩线，即系你派我去做咩就会做咩，但开线𠮶日系我少有咁希望可以揸到头班车，因为我真系觉得呢个系我个仔，我想同佢一齐首航咁。”

Gary又提到，现时好享受车长和路线策划的工作：“有人问我点解你要咁辛苦，有冷气房唔坐；点解咁辛苦走去揸车，揸车个感觉系好爽，你见到啲乘客又送佢哋去目的地，好似真系帮到佢哋咁，呢啲前线嘅经验系帮到我做路线策划嘅工作，你要我放弃其中一样我都唔想。”

最重要的这些小事

纵然工作急迫，但回首工作的4年，Gary最难忘这个梦想带给他身边的人不一样的人生：“有次我有个前同事同番我讲，我去咗做车长之后，佢决定放弃工作去学跳舞，我完全无谂过我呢件小事会启发到人，变成佢哋嘅大事。”

于是，他后来默默将每些工作“小事”上载到Facebook，希望可以再次促成其他人的“大事”：“我希望大家见到我啲post，无论系我嘅朋友，定系睇到share嘅人，都可以畀呢啲小事启发到，虽然每个人要面对嘅环境都未必同，但都想鼓励佢哋去试下做一啲佢哋想做，但又有好多挣扎、唔敢去试嘅嘢。”