【社区狂想】大埔坐船出中环？大帽山起地铁站？网民认真mode热议

庸碌生活，但一样可以dream big。“社区狂想”期望搜集最在地用家的奇想妙计，最接地气的灵感，或会比政府官僚思维更有想像力更见效益？说不定噏下噏下，有天真的能实现。成日话政府交通策略“铁路为先”，搞死巴士同小巴。打工仔日日返工，拣巴士就惊塞车，无选择之下，几逼都要搭港铁。大家可会想像，如果地铁开站任你拣，你会想边度有站？大家又有冇谂过可以重新发展海上交通，起码唔会“塞船”先？

一、大埔搭船出中环

Facebook“Tai Po 大埔”群组上星期就有网友发挥小宇宙，建议开设马料水－大埔－中环航线试行六个月；建议非常认真，更列明边个公众码头上落客、价钱、班次等资料。 但系，呢位网友提出嘅建议一出就比其他人话一个钟搭船出中环无可能，因为中环出长洲都要约一个钟；大埔出中环起码都要三、四个钟，可能朝早出发去到中环就直落食Lunch。

林村河变运河直出中环？

这条航线其实非常写意，途径马鞍山、海下湾海岸公园，绕过“香港后花园”西贡，一直出到清水湾再绕入将军澳、鲤鱼门，饱览维多利亚港两岸景色，最后到达中环。 有人留言提议不如供应埋早餐，用APP订餐，可能吸引到唔少人；有人仲话一定要有餐蛋面！

不过路线长，随时要搭三四个钟；返工就未必适合啦，如果包装到假日、旅游路线又得唔得先？仲可以顺便鼓励游客少啲搭东铁线，大家搭车就唔使咁辛苦！

考虑到路程长，网民更加提议将林村河改建成运河直出中环；但系有人话林村河有时无水，咁点算好？有网民发挥物尽其用的香港精神，提议将香港人每年买多咗嘅东江水引入运河，得咗！

超过170个公众码头，可以点用？

有人留言，认真提议加设航线由大尾笃来往大埔。根据土木工程拓展署的网站，该署负责保养超过170个的公众码头。香港咁多公众码头，如果净系谂航线，都可以好多组合。例如小西湾搭船去科技大学？南港岛沙滩之旅，一次过去晒浅水湾、石澳、大浪湾、赤柱等地？

话说，原来2000年之前，荃湾和屯门真的有船出中环；赤𫚭角本来都有本地渡轮码头往返屯门，如果复办有冇得谂？如果可以加设航线，让香港人在日日迫到咸鱼咁嘅现实下多一个选择，吹吹海风，思考人生意义，你又有咩谂法？

二、港铁未来路线图 ： 蒲台岛都有站？

港铁南港岛线已经开幕一段时间，将来还有沙中线落成，香港的铁路会发展成点？2012年曾，经有一张由“KJ9384LC”制作的港铁路线图在网上流传，连大帽山都有站。港铁迷Iain MacDonald去年就另外制作了一份诚意十足的港铁未来路线图，制作认真。

大部分路线都是幻想出来，连东龙洲、“香港南极”蒲台岛、长洲都有站，咁大帽山出站要搭几耐䢂？

最厉害都莫过于连接坚尼地城同坪洲的港岛线延伸。不过，香港都可以起港珠澳大桥同东大屿都会，可能港岛线延伸到大屿山都唔系无可能？可能讲讲下真系会成真，你又想边度有地铁站？

资料来源：https://ijmacd.com/2016/07/mtr-future-system-map/