【估你唔到‧有片】酒楼冷气平均21度　记者挑机：请问有冇羽绒？

有一晚，记者与友人在沙田某间自称“皇宫”的酒楼吃晚饭。香港人去得酒楼，都醒目会戴带定件外套。记者问友人：“你老婆去咗边？”友人回答：“呢度太冻，佢出去跑几个圈。”每次请求经理调细冷气时，他们总是答一句“对唔住呢度系中央冷气。”就大晒咁。讲真，真系唔明点解酒楼知客、侍应一定著长袖西装褛，行嚟行去做嘢一滴汗都唔出，“系啊，我哋啱啱好，唔觉得热，又唔觉得冻。”一位酒楼侍应阿姨说。咁就证明啲冷气有几冻。

记者到不同酒楼量度室温，平均只有21度左右。街头访问街坊，大家公认稻香、美心皇宫、富临为全行最冻的酒楼。而记者量度所得，冷气最冻的是稻香，只有20.9度。为了让酒楼反省一下，记者大胆挑机酒楼阿姨：“唔该，请问你哋有冇羽绒？我好冻！”结果不同酒楼侍应反应不一，沙田川淮居有侍应姐姐敷衍了事：“好吖，你等等。”；稻香可借披肩，可惜披肩实情是一张餐巾，又细又薄又硬，记者宁愿披地毯。记者摸一摸侍应姐姐的小手，“你睇我几冻？”阿姐当下似乎有所领悟，替我加开一壶茶：“呢度系有啲冻，饮多啲热茶啦！”然而，并非所有酒楼有披肩提供，川淮居就是其一。记者借唔到披肩，你估借咗啲乜返嚟保暖？想知，请睇片！