“九龙皇帝”曾灶财墨宝重光　街坊见证日渐减少　盼保育香港特色

“九龙皇帝”曾灶财现存最大幅原址保留的“墨宝”重光，位于旺角花墟旁的铁路桥墩墙身经修复后，成为了一条贯通世纪的“时光隧道”。有在九龙区长大的市民，眼见曾灶财墨迹逐消失，如今重见天日，慨叹“以前啲人唔识珍惜，依家觉得系宝就拎返出嚟”，希望可以继续发掘真迹，“属于香港都要保育，先有香港特色”。

旺角界限街的花墟公园入口旁边，一座铁路桥墩的墙身，在2022年出现油漆剥落，曾灶财的真迹被发现，港铁经过修复后，一幅长5米、高1.5米的“墨宝”重见天日。墙身以毛笔写上“中英国皇”、“曾灶财国皇”、“广东省银行”、“马路大坑”、“曾文孙公墓”等墨迹，从墨迹可见至少有三个不同时期，港铁在“墨宝”旁写上简介，引述专家判断，墙上墨迹先后历时十年以上。

“啲人唔识珍惜，依家觉得系宝就拎返出嚟”

陈先生一直在九龙区居住，曾灶财的墨迹陪伴他成长，“细个行过睇到，唔知佢写乜，但好得意好有趣，依家就变咗艺术”，他有感墨迹已经愈来愈少，不少已被油漆覆盖，“啲人唔识珍惜，依家觉得系宝就拎返出嚟”。

他认为，曾灶财的墨迹是香港特色，“属于香港都要保育，先有香港特色，多啲人嚟打卡都系好”，希望可以有更多墨迹被“发掘”，亦要珍惜。

司徒先生亦表示，曾灶财墨迹在香港有悠久历史，应予以保留，“保留返啲文化，畀年轻人都知道佢事迹”。

曾灶财好友：系香港一个集体记忆

曾灶财好友及艺评家刘健威表示，“曾灶财系香港一个集体记忆，以前经过街边见到佢写啲字，喺佢书法度你揾到一种童真、同埋一种好天真、好稚拙嘅嘢，好多人都唔知曾灶财写啲咩，觉得莫名其妙，通常佢开始就好钟意写‘国王曾灶财’或者‘曾灶财国王’，跟住一堆就系佢祖先嘅名，其实我觉得系一种感情嘅表达。”

修复项目经理刘家鸿表示，“呢个修复工程嘅困难在喺边一层需要保留，边一层需要停，呢个就系最大嘅困难同挑战”、“有时我哋喺面层见到一啲都唔知系咩字，咁我哋就会放弃面层，就会去开下一层，睇下𠮶个资料系咪比较珍贵嘅，见到𠮶个字可读性最高或者资料最齐全，我哋就会停留喺边度”、“好彩都有好大范围我哋都系可以修复出嚟，亦都读得返佢大部分内容。”

艺术品修复专家谈艺坊指，“我哋施工第一个步骤就系起𠮶个面漆，我哋就用特殊溶液涂落去，铲咗出嚟，跟住慢慢逐小逐小用铲仔将白灰逐啲逐啲清除，好似考古咁。”