口罩令何时撤？卢宠茂：我都唔想戴　冬季流感未过盼市民坚持住

政府今日（19日）公布1月30日起撤销隔离令，医务卫生局局长卢宠茂被问到何时取消口罩令时，认为口罩在防感染及死亡下发挥重要角色，但冬季流感未过，期盼市民坚持住：“我自己都唔系好想喺日常生活要戴口罩......明白大家戴咗三年口罩，好希望见到大家笑容。”

卢宠茂出席疫情记者会时，被问到政府何时会撤销“口罩令”，他表示：

我自己都唔系好想喺日常生活要戴口罩，虽然我本身系医生，喺医院惯咗戴口罩，但大家要明白，喺新冠疫情下，口罩系发挥非常重要、非常重要嘅角色，系帮咗市民避免感染，甚至死亡。

他又指，自去年七月起，政府采取稳步有序模式调整抗疫政策，撤销及放宽不少防疫要求，令社会复常，他明言，虽然疫情有所回落，但现时冬季流感未过，口罩令是想帮助市民防感染，强调政府会适时作出调整。他估计，即使将来取消口罩令，市民有上呼吸道感染时，都会戴上口罩。

明白大家带咗三年口罩，系好希望有日唔需要，见到大家笑容，我哋都向紧呢个方案，但市民要明白口罩系可以预防呼吸道感染，特别冬季未过，虽然高峰有回落，重点系口罩，希望市民今个冬季“坚持住”