邓炳强向旧同袍发告别录音：使命来得突然　当警员是一生最大成就

国务院今日（25日）公布，根据行政长官林郑月娥提名和建议，国务院6月23日决定任命李家超为政务司司长。而警务处处长邓炳强会任保安局局长、副处长萧泽颐为警务处处长。
邓炳强今日以保安局局长身份，向警队同胞发道别录音，指自己怀着万般不舍离开工作34年的警队，最大遗憾无法与同胞正式道别，但强调加入警队是他一生中最大成就，“所有快乐、哀伤同埋荣誉，都系同警队同在。”虽然他换了新使命，但仍会守护香港，一齐为明天更安全的香港奋斗，相信新任处长会令香港继续成为最安全城市之一。

邓炳强的录音长近3分钟，他指“估唔到新嘅使命嚟得咁突然，要离开工作咗超过34年嘅地方工”，回望当日入学堂、加入O记、在枪林弹雨下工作、话别同期“无味神探”陈思褀先生，到有幸担任处长，“所有快乐、哀伤同埋荣誉，都系同警队同在。”

邓指警队工作可能会经历生死，无人可预知下一秒，所以要把握时间实践理想，无畏无惧守护城市和市民，“各位同事，我好自豪，因为我同你哋一样选择咗加入警队，接受同一个挑战，拥有同一个身份，享有同一样嘅荣誉。”

邓续称：“我哋一齐着过防暴装打暴动，一齐坐过巡逻车接call，一齐做过杂差去查案，一幕幕嘅画面都成为昨日美好回忆，今日我换咗一个新使命，但仍然喺同一蓝天下，一齐守护香港，一齐为明天更安全嘅香港奋斗。”

最后，邓指相信新任“一哥”萧泽颐会带领警队再创高峰，令到香港继续成为全世界上最安全城市之一。

邓炳强向警队同胞发录音全文：

各位警队同事，我系保安局局长邓炳强，估唔到新嘅使命嚟得咁突然，要离开工作咗超过34年嘅地方，我怀住万般嘅不舍，而最大嘅遗憾系唔能够为大家作正式嘅道别，能够加入警队，同大家并肩作战，系我呢一生最大嘅成就。

34年原来真系过得咁快，我仲记得第一日入学堂，同啲同期企喺闸集合，望住蔚蓝嘅天空，对开展警务生涯充满期盼。到后来如愿以偿加入O记，最后枪林弹雨嘅现场，到含泪话别我嘅同期“无味神探”陈思褀先生，再有幸担任你哋嘅处长，一齐踏浪前行，我哋所有快乐、哀伤同埋荣誉，都系同警队同在。

每一个警察的天职，都是要处理突发情况，而每一个更份所发生嘅嘢，都唔会完全相同，甚至会经历生死，但我真系好享受做警察。我知道，无人可以预知到下一秒发生咩事，所以我哋更加要把握每一分每一秒去实践自己嘅使命同理想。我哋唔知危险几时出现，但系我知道一旦危险出现，我哋就会无畏无惧咁守护我哋嘅城市同埋市民，呢个系我哋3万人嘅共同选择，各位同事，我好自豪，因为我同你哋一样选择咗加入警队，接受同一个挑战，拥有同一个身份，享有同一样嘅荣誉。

我哋一齐着过防暴装打暴动，一齐坐过巡逻车接call，一齐做过杂差去查案，一幕幕嘅画面都成为昨日美好回忆，今日我换咗一个新使命，但仍然喺同一蓝天下，一齐守护香港，一齐为明天更安全嘅香港奋斗。

我相信，警队喺新任处长萧sir嘅带领之下，一定会再创高峰，令到香港继续成为全世界上最安全城市之一，我喺度多谢大家过去对我嘅支持同埋包容，我祝大家身体健康，工作顺利，多谢大家。