警队副处长专访｜去年投考警察大减　郭荫庶：加入的800人有勇气

去年6月起的反修例风波，令警民关系陷入低潮，投考警队的人数亦出现明显跌幅。警务处副处长（管理）郭荫庶接受《香港01》专访表示，去年度投考督察及警员人数，相较前年分别下跌28%及36%，郭荫庶表明，若因家人担心安危、伴侣不支持及轻信抹黑而退却，“从来都唔系我哋想招嘅人”，相反成功招募的800多人，在关键时刻仍加入才是警队真正需要，形容他们“显示咗勇气、愿意承担最大嘅风险。”他直言，“如果你要我设计一个招募程序，可以畀我将头先第一种人拨走，净系招后面呢种人，我都谂唔到一个好嘅方法。”并认为入职警队必须拥护政府施政。
（专访二之二）

延伸阅读：警队副处长专访｜敏感岗位人员拟须验毒 郭荫庶：冀震慑图违纪警

如果你要我设计一个招募程序，可以畀我将头先第一种人拨走，净系招后面呢种人，我都谂唔到一个好嘅方法，今次呢一年可能就为我哋做咗呢样嘢。

目标招募1600名警员　入职率仅达半

19/20年度，投考督察及警员人数均下跌，分别较18/19年度减少28%及36%，有约五千至六千人投考，但他认为投考人数降幅非关键，“只系代表可以拣嘅人，个pool（范围）细咗。”但同时实际入职人数亦下降，招募目标为1,600多名警员，最后只有700多人入职，仅为目标数的一半，至于去年度入职的督察有169人，与原来目标的195人相近。

估计三大原因致有录取者放弃入职

郭荫庶透露，过去这段时间，有人投考之后决定不入职，甚至有人放弃录取席位，他评估的原因包括可能因为投考者父母担心安危而反对、伴侣不支持，及“有人轻信抹黑”等，但认为“各种原因，其实我哋都唔需要考究。”被问到对质素的影响，他认为“呢啲人从来都唔系我哋想招嘅人。因为面对住香港咁严峻嘅情况之下，你为咗可能个人安全、父母反对、或者个人信念，是非判断又好，咩原因唔嚟呢，即系话证明你唔适合咁紧要嘅工作。”

去年度入职者“显示勇气”

郭荫庶认为去年度招募到的800多人，才是警队正正需要的人，“显示咗佢哋勇气、亦都愿意承担最大嘅风险，喺最关键时刻加入呢个团队。我其实咁谂嘅，如果你要我设计一个招募程序，可以畀我将头先第一种人拨走，净系招后面呢种人，我都谂唔到一个好嘅方法，今次呢一年可能就为我哋做咗呢样嘢。”

他肯定其见解，“警队就算之后可以招募嘅人少过预期目的，呢班人加入咗过去一年演变中强化咗嘅警队，香港将来嘅警队一定会一路去更加强大。”

入职警队必须拥护政府施政

对于“政见”取态会否是投考关卡，郭荫庶指，他不关心个人政见，“只关心一样嘢，你系咪守法，你系咪崇尚守法意识，你会唔会系去支持（subscribe to）一啲破坏社会、反社会行为，你系咪有一啲意识反对政府，唔支持政府施政。呢啲对我嚟讲唔系‘政见’，唔好话警察啦，系作为特区政府招聘公务员基本要求，所以我哋亦都有需要审核。”