逃犯条例│警方IG发片 江永祥再澄清831冇人死：死嘅系我脑细胞
自去年爆发反修例示威冲突后，警民关系一直紧张。警方今天（25日）在Instagram上，发布一条“5秒答问大会”短片，在6分钟内回答网民提出的50条问题。短片中有人问到“831死咗咁多人，证据呢？”，警察公共关系科高级警司江永祥回应：“死嘅系我脑细胞啊，俾你哋激死啊！”
另有问题问“一哥几时下台”时，江永祥称，警务处处长“理直气壮做得好”，“只有惧怕我哋正义嘅人先想处长辞职，警队系唔会无一哥，而香港系唔会无警队㗎！”
香港警察早前在Instagram邀请市民输入“你快问我快答”问题，共录得2,000条，警方挑选其中50条问题，在短片以“5秒钟答问大会”形式作答。主要由一名女警作答，包括回应招募情况、辅警入职要求、警员装备、购置水炮车及“一哥退休年龄”，长5分钟一镜过；警察公共关系科高级警司江永祥在短片后段才出现，回应最后五条问题，一出场就称“我都咁耐无出嚟啦，不如答多两条啦！”惟他没有回答第46条“点解江Sir咁cute”。
短片部分对答如下：
Q：终审法庭裁定“七警案”中，有五个人罪名成立，警方会唔会道歉呀？
A：处长已经讲过，我哋会根据公务员守则同警队条例去跟进，秉公办理。
Q：几时查721？
A：其实一直都有查，从来无停过，至今我哋一共拘捕咗37人，其中7个已经charge咗（检控），上court（法庭）啦！
Q：一哥几时下台？
A：处长理直气状做得好，只有惧怕我哋正义嘅人，先想处长辞职，警队系唔会无一哥，而香港系唔会无警队㗎！
Q：831死咗咁多人，证据呢？
A： 死咗几多人？ 死嘅系我脑细胞啊！俾你地激死啊！
↓↓2019年8月31日晚太子站冲突事件↓↓
另外，片中有另一名女警出现，部分对答如下：
Q：想投考警队，又惊人哋目光，咁点算？
A：唔使怕，做好自己，觉得啱就得。
Q：投考警察嘅人数有无少咗？
A：系少咗㗎！但系考辅警嘅人就多咗好多。
Q：机场特警训练系咪真系咁辛苦、咁难入？
A：系好辛苦，体能要求同飞虎队差唔多。
Q：（警员接报）理想嘅到场时间系几多？
A：香港、九龙系9分钟，新界就15分钟。
Q：防暴警察身全身装备有几重？
A：最基本都12公斤，所以你话着住跑都几辛苦。
Q：警察系咪应该政治中立？
A：公务员系要政治中立，但唔代表政治冷感，我哋仍然可以关心社会，有自己睇法。
Q：外界对警队有咁多误解，有咩感觉？
A：其实都觉得吃力不讨好㗎，不过我哋会继续努力，继续消除市民对我哋误解。
Q：香港系咪仲系最安全城市之一？
A：绝对系！但系要有效执法，除咗靠警察，市民奉公守法意识都系极之重要。
Q：一哥（邓炳强）系咪读毅进㗎？
A：一哥系中大社工毕业，加入咗警队之后，继续进修，持有硕士学位。