议员论厕　不满洗水盆加吹风机　邵家辉大爆办小事后男人只洗单手

立法会帐目委员会今日（14日）就审计报告针对食物环境卫生署规划、设置和管理公厕的工作，进行公开聆讯。食卫局局长陈肇始表示，会应报告的建议积极改善公厕的硬件及管理，并预计在今年内完成接近800间公厕的统计工作。
公厕话题，引来议员热议，多名议员论厕，其中自由党邵家辉就本港公厕的状况，向食环署署长刘利群等人提多项质询，仔细描述男士如厕的问题，如只洗单手，解释去厕兜为何总失准等，要求署方留意，最后要由帐目委员会石礼谦打完场。
《香港01》就对话节录。

自由党邵家辉在会上想就公厕的卫生环境提出质询，但遭帐目委员会主席石礼谦以先问使用率的议程拒绝，于是邵家辉认为卫生才是最重要的问题，但尊重议程并就公厕内设备的使用率提出多项问题。问答的节录如下：

邵家辉：但主席（石礼谦）你唔畀我问，咁我就问使用率。哎呀！我都唔知点问，就问返个吹风机啦，摆落去好似好新颖咁，系咪每个洗手盆你都想放个吹风机落去呀？

食环署助理署长(行动)霍炳林：其实每个洗手盆都有一个吹风机，但呢个系一个试验计划，我哋证明吓效果系咪理想嘅。

质疑加装吹风机　他人吹手便阻挠洗手

邵家辉：哗，每一个洗手盘都放一个吹风机上去，你哋真系好有钱。我一阵第3部分一定会问清洁工𠮶度，你哋畀咗几多钱落去，请清洁外判工per hour，要揾几多人去清洁，你将啲钱咁样摆落去咁嘅吹风机。我想讲畀你听呀，我哋男人去完厕所嗱嗱声、几秒钟就走㗎啦！原来前面有个吹风机，我就唔知佢吹几耐啦，咁我洗唔洗手好呢？我真系觉得好奇怪！

石礼谦：洗手系要洗㗎！

邵家辉：我真系唔知洗手嘅流程系点，其实好多人洗完手系条裤到抹一抹㗎咋，或者我哋自己有纸巾㗎嘛。喂！我仲排队等你吹手呀？我真觉得奇怪，佢系到吹手，咁我点呀？

我唔知你哋女仔点洗手，但我哋男仔有时候都未必洗双手，我哋好多都洗单手，我哋好快，3、2秒就搞掂！

石礼谦此时发出惊叹声。邵家辉未有理会，继续发言。

邵家辉：你吹手好行埋一边呀嘛，你做乜摆系前面㖞，我真系觉得奇怪！除非你啲钱系多到离晒谱呢？

食环署署长刘利群没有正面回应，仅称评估厕所有4个方面的指标，包括有无污迹、是否有臭味、地面是否湿滑、设施是否运作良好。她强调，引进吹风机并不是奢华的设备，是从实用的方面去，希望大家减少用纸，且新的高效能吹风机干手速度很快。

邵家辉：局长（署长），我唔系好明𠮶20秒、30秒系点样做。你去完厕所点洗手？我唔知你哋女仔点洗手，但我哋男仔有时候都未必洗双手，我哋好多都洗单手，我哋好快，3、2秒就搞掂！洗完之后，有心咪行过去吹吹风机，要20几30秒啰！

邵家辉质疑，当他人排在洗手盘前吹干双手便阻碍他人洗手。刘利群再称，洗手盘上加装吹风机仍在试验计划中。邵家辉不满，追问公厕的卫生情况。

邵家辉：啲人如厕，点解要踏上个厕所板度？啲人无啦啦做乜要踏上个厕板度，你都知道去细（小便）嘅唔会踏上厕板，嗱我讲男人！女人我唔知点处理。去大（大便）先会坐喺度，唔坐喺度咪凌空扎马，(厕板）唔干净点坐落去？一个人踏过上个厕所板，咁我咪要踏啰，有个脚印喺度我点坐呀？我唔除裤屙唔到㗎嘛！

有个脚印系度我点坐呀？我唔除裤屙唔到㗎嘛！

邵家辉要求食环署参考立法会的厕所卫生情况，并继续分享在男厕的见闻。

邵家辉：男厕个兜喺呢度，但啲人去小（小便）嘅时候就企咁远去，点解呢？因为个尿兜下面有好多尿喺度啰，因为大家都见到好多尿，所以大家都唔想行埋去。当第一个去唔干净，屙得唔准嘅时候，啲尿滴咗落去，见到地下有尿咪褪后一步，自然第二个褪第二步、第三个褪第三步，咪越褪越远，成地尿，要啲姐姐、哥哥抹。

质询在石礼谦以“感谢邵议员的分享点用个兜”打完场，并将时间交给其他议员提问。

审计报告批评过半数食环署公厕不符合男女厕格1比2要求，若计及尿兜，男女卫生设备比例变成一样甚至是2比1，因此议员要求署方应大幅增加女性厕格。

民主党林卓廷认为不应撇除计算尿兜，“男𠮶个去完（厕所）出嚟，覆五个电话、十个短讯，（上公厕）𠮶女士都未出到嚟。”