【书商失踪】林荣基游行发言全文“国家想收窄香港人自由”

铜锣湾书店店长林荣基游行前感言：

呢件事畀我好大感触，香港人一直都河水不犯井水，呢一次好明显，一间小书店本来喺有言论自由出版嘅地方，一个香港嘅地方，呢个系法例保障㗎，佢竟然可以通过国家暴力想办法去摧毁呢间书店，事实其实摆在眼前，我知道香港人唔满意嘅就系呢一点，因为佢好明显想逐步收窄我哋香港人嘅自由。

我哋其实想安居乐业喺到，你睇睇李波，人虽然喺香港，但系佢依然被背后操纵，因为佢内地亦都有亲人，我知道佢讲好多违心嘅说话，但我好理解，如果有能力我会帮佢，我希望大家香港人都会帮佢。

李波呢件事呢，李波依家虽然身在香港，但佢缺少我哋应该有嘅，譬如免于恐惧嘅自由，佢丧失咗，呢样大家都知道，我希望呢一次嘅事件，将来我哋要面对另外一啲事嘅时候，香港人亦都要站出嚟 ，唔系因为呢件事完结就无。

譬如免于恐惧嘅自由，佢（李波）丧失咗。

我知道大家都要揾食，譬如金钟事件（2014年占领行动），我前前后后都落咗去睇过三四次，点解？我当然啦，关心我同情啲学生，学生其实系为香港人着想。点解我日头唔去呢？我无办法去，我要开舖，我都系要收工二点落去金钟睇，其实大多数香港人都系一样，为咗生计忙碌，好多时唔会参与政治。点解呢？因为生活压力太大，但佢地嘅心中系默默关注嘅。

为咗生计忙碌，（香港人）好多时唔会参与政治 ......但佢地嘅心中系默默关注嘅。

我举个例子，呢杯（樽）清水系我啱啱喺便利店买，你哋觉得系咪清水？系咪清水先？可唔可以饮㗎？可以饮㗎嘛。我哋都系普通人，我哋见到一件事，譬如呢杯清水，可以饮㗎，但系有一啲人去睇事物，佢唔系好似我地普通人眼光睇嘅，佢用咩睇呢？佢唔系用放大镜，佢用显微镜，当我哋用显微镜睇嘅时候呢，系好多细菌嘅，一个人习惯睇事物用显微镜睇嘅时候，佢就会担心。因为点解啊？樽清水里面好多细菌，佢会伤害佢自己。

《环球时报》、甚至曾钰成，我今日睇到有佢嘅谈话，佢话我好叻仔，我其实唔叻㗎，我只系照事实讲出嚟 ，佢哋习惯用显微镜睇事物嘅人呢，往往有阴谋论嘅。细菌有无阴谋啊？无，但佢自己斟出来有阴谋，所以啲水佢哋唔敢饮，系我哋普通香港人敢饮，价值观就喺呢到。

一个人习惯睇事物用显微镜睇嘅时候，佢就会担心。

记者：你会唔会联络警方？担唔担心佢同深圳合作对你处理？

林：香港唔系有人身、出版、结社免于恐惧嘅自由咩？将来嘅事啦......我唔担心，我睇到香港有好多人支持我哋。

记者：李波话无讲过佢被带走返去，你点回应？

林：其实如果我一路系同李波辨清件事实呢，系对佢一种伤害嚟 ，我真系唔想，因为我依家（与李波）真系朋友嚟，你会唔会对一个朋友一路伤害落去？唔会㗎，你明知伤害嘅嘢系唔会做，所以再跟佢对谈对质系无意思㗎。

记者：呢一刻仍当李波系朋友？

佢又唔系我敌人，佢系香港人㗎嘛。