【新界大水浸】水浸坪𪨶狗场500猫狗大疏散　2狗遇溺身亡平姐悲恸

周三(29日)一场豪雨，不但令新界多处地方出现水浸，更淹毙了平姐猫狗舍的两只狗，包括一只14岁的腊肠狗及一只小唐狗，平姐一想起两只溺毙的狗便声泪俱下，“一睇到我真系忍唔住，眼泪系咁流”，“由其是𠮶只狗BB，系由我手掌咁大时救返嚟”，“为佢喂奶、医眼，所以点舍得佢走”。

平姐忆述当日洪水涌至的情况，“今次真系估唔到咁劲”，“佢(村民)而家七十几岁，第一次见到浸到咁劲”，“下晏四点几开始水浸，浸到我脚面，六点几浸到膝盖，望住个水升，夜晚七点几已经到心口，咁多狗我话点算呢？”，“浸咗七个几钟，你冇办法，我跌咗三次落去，好彩有姐姐拉我起身，唔系我真系死咗，浸到咁高，所以真系好恐怖。”

她指当时十分徬徨，“我唯有放佢哋(狗)出嚟，我唔想佢哋死，我就放佢哋出嚟自由走”，她指当时猫狗舍外的马路十分混乱，洪水把马路淹作汪洋一片，更有五辆车被洪水冲到相撞；“警察入嚟拉我走，消防员同警察拍门，叫我快啲出嚟要救我走，我话我唔走得，佢问点解唔走得，我话呢度有五百几只狗，我话一定要佢哋安全我先走得。”

由于水浸严重，平姐一度将笼内的猫狗放出来，“我唔想佢哋死，我就放佢哋出来自由活动，佢哋就很开心在游水。”其中两只则连同狗笼放到高处避水，之后她在水退后清理现场，发现有狗笼在水浸期间疑被撞跌，有2只狗惨被浸死，其他则无恙，“但我估唔到水力咁猛，冲翻个雪柜，就跌左落去。”

幸得一众义工帮忙，平姐猫狗舍内目前已大致清理好洪水带来的破坏，不过猫狗舍损失惨重，冰柜及冷气等电器也报销，闸门的铁锁也被冲至变形，只能用铁枝暂时取代，很多狗粮也被洪水浸坏，暂时只能依靠义工捐赠的狗粮维持；而猫狗舍外的马路亦可见被水冲至路陷，路边的野草也被冲得连根拔起。

平姐又认为天文台发出红色暴雨警告讯号太迟，“如果我哋知道红雨、黑雨，可以预算擡高啲嘢，之后我哋七点几开始擡，但当时已经好迟，已经浸得好劲，啲水嚟得好急。”