【01独家．有片】吕丽瑶前教练：惊讲错嘢　到时麻烦　要请律师先

“香港栏后”吕丽瑶凌晨在Facebook贴出文章，指自己于初中时曾被教练性侵犯，事件引起广泛关注；吕丽瑶的现任教练邓汉升今早接受电台访问之后，《香港01》找到吕丽瑶其中一位前教练，欲了解他对事件看法，及曾否听到吕丽瑶谈及事件。这位前教练起初指“唔想讲嘢”，及后指“惊讲错多到时麻烦，要请律师先。”

《香港01》翻查资料，发现当年吕丽瑶就读培正中学时，田径队共有三位教练，记者联络到其中一位教练，希望了解当时有否留意到吕丽瑶有异样，以及曾否听闻或知悉事件。

前教练承认曾为田径教练，被问及有否听闻吕丽瑶事件时，他表示“唔想讲嘢，惊讲错嘢，到时有麻烦，要请律师先。”

记者：想问（你）之前系咪做过田径教练？
前教练：系。
记者：有无听闻“吕丽瑶性侵事件”？
前教练：我唔想讲嘢，因为点解呢，我惊讲嘢呢，讲错或者唔知点样，到时就好麻烦，因为我要请律师先。
记者：但你有无听闻过呢件事？
前教练：听闻过。

记者：你曾经系佢教练，知唔知真系有人曾经性侵过佢？
前教练：咁我又真系唔知㖞。
记者：佢有无向你吐过苦水？
前教练：呢个我都唔清楚，我唔知。

记者：我见到（屈臣氏）田径（总会）网页，阿sir都除咗名，会唔会知系咩原因？
前教练：可能都系呢啲事。
记者：点为之呢啲事？
前教练：即系你话睇见呢段新闻，不过真系唔好意思，我宜家好乱。
记者：佢有无向你寻求帮助？
前教练：我真系唔知，唔好意思，唔该你。