谈感情生活仍单身　Ian符条件？　罗淑佩笑言：做得佢阿妈有找

每当提及本地男团MIRROR成员陈卓贤(Ian)，不少人都会联想到“Hellosss”房屋署署长罗淑佩。罗淑佩今日（13日）于电台节目分享逸事，当主持问到Ian是否符合她的理想伴侣条件，罗淑佩笑言“做得佢阿妈有找㖞”，“如果有个咁嘅仔就唔错啦”。

谈到罗淑佩的感情生活，她表示自己“就系一个人啰”，坦言自己朋友多，没追求感情生活。被问到是否要求太高，她表示，“冇𠮶㖞、不过去到我呢啲年纪就唔再倾呢个问题啦”。

罗淑佩接受港台节目《旧日的足迹》访问，被主持人车淑梅问到，她喜欢歌手陈卓贤，会否担心被外界称为“追星”署长。罗淑佩回应指，“我唔系追星”，只是有自己喜欢的歌手，与普通人一样，“唔知点解依家大家有自己喜欢嘅歌手就变咗追星”。

强调喜欢歌手只是普通人会做的事

罗淑佩又认为人需要一定娱乐放松，自己“都系睇下演唱会、出席聚会都少、听下歌咁啫”，不是大不了的事情，“我去到呢个年纪，点解大家觉得唔可以再做返一啲大家都做嘅事情呢？唔系咁嘅。”

被问到会否因受到关注，而减少出席演唱会等活动时，罗淑佩指“我都唔系去好多”，今年夏天只去过郑秀文、郭富城、Ian，以及另外一、两位歌手的演唱会，又表示“有啲演唱会吸引多啲媒体，咁佢哋影到相、写两句，有啲其实我去咗摆埋喺Facebook大家都可能冇留意、冇报道，就咁啫。”

“我觉得如果有个咁嘅仔（Ian陈卓贤）就唔错啦”

罗淑佩之后又被问到，Ian是否符合她理想伴侣形象，她惊讶回应指：“下？我做得佢阿妈有找㖞”，又表示，“我觉得如果有个咁嘅仔就唔错啦，不过我单身、我冇啫”。

车淑梅再追问有关罗淑佩的感情生活时，罗淑佩回应指：“就系一个人啰”，被问到是否因为太忙，她表示，“天意嚟嘅”，又指自己没有追求感情生活。至于是否要求太高？罗淑佩指，“冇𠮶㖞，不过去到我呢啲年纪就唔再倾呢个问题啦”。

罗淑佩又指，除了Ian外，自己最近都因为巴黎奥运，留意国家乒乓球队，又指自己在早前国家金牌运动员访港期间，与男子乒乓球金牌马龙合照握手，感到好开心。

“啲网民话做运动都系肥，等你年纪大啲就知！”

署长工作繁重，被问到平日有何减压方法，罗淑佩表示，自己有每周运动一次的习惯，又指“虽然有啲网民话，做运动做得咁多都系肥”，但她回应这些网民指，“等你年纪大啲你就知㗎啦”，又坦言自己父母都“有啲大只”。

罗淑佩又表示，自己做运动非为减肥，而是为了健康。她又表示，人到了一定年纪会面对新陈代谢变慢、骨质疏松的问题，“冇得医”，故自己年轻时便会做运动，又向女士们表示，要做负重运动，保持肌肉及骨骼密度，当不慎跌到时，“如果你有肌肉垫住，骨骼密度够，会冇咁危险”。