男替女拿手袋样衰？　男生至窝心回应：帮女友拎袋有种好仔feel

女人觉得对的，有一千个理由，男人却又有一千个理由去否定。男女这种既相同又不同的生物，同是为人，但视觉、思维又可以如此不同，有时更是冲突大得像要世界大战，一方认为是理所当然的，另一方竟又可以觉得是奇耻大辱，简单如“男人应唔应该帮女人拎袋”。正反两方一样大条道理，这又是不是简单成：女人想；男人唔想？

你会唔会叫男人拎袋？

“会，个袋重就叫，好正常啫。如果佢唔主动问我，我会觉得对方唔够细心。”

“唔会，觉得好样衰，我样衰时男方又样衰。佢拎唔靓又好似冇晒尊严，我又会畀人话系港女，除非我系拎环保袋就可以考虑吓，视觉上冇咁唔靓。”

“买个袋都系想用嚟拎，你畀人拎咁你买嚟做咩。同女人手袋有几重呀，都唔方重啦。帮你拎唔一定系细心，如果我唔想你拎，你仲要冲埋黎拎，证明你唔够了解我，前世未拎过嘢呀？”

“我唔会叫男友帮我拎袋，唔想街外人望落觉得我男友好废。但如果系日用品呀，去街市买𩠌就冇问题，因为呢个系日常生活的分担，呢件事系sweet的。”

有时想，两性平等大概不是每个女人的追求，自主独立可能只是停留于口中的时尚。因为要是真的平等了， 就连性别不平等带来的“好处”也一并失去。现在，男友不帮忙拿袋，不lady first，大可以埋直气壮指男方不够gentlemen。要说平等，这种强求就不能“合理”了，拿袋的，就当然是袋的主人啦。虽然也有不少女性拒绝男方代劳，但并不源于需要与否的问题，而因为怕男方“样衰”，不想站在身旁的另一半不够“男人”，说到底也是在符合著某种性别固有认知。

你会唔会帮女人拎袋？

“我一定唔会拎，如果出街见到个男人帮女人拎袋，我会觉得个女仔好港女，个男仔好废，唔够man。”

“长期拎真系唔得，特别好女人𠮶啲，如成个粉红色咁就唔好搞我啦。如果我喺街见到男人拎住个女人袋，我会歧视个男仔，好废。如果我真系要帮手拎，比如佢去厕所我帮佢拎住，我会企系厕门口，话畀人知我系等我女友去厕所先帮佢拎。”

“女朋友话攰先帮佢拎袋，女朋友用的手袋通常都系中性啲，但就算女人手袋我都冇咩所谓，我又唔觉会唔man，当然会对外观有些微影响，但如果女朋友攰的话话我又唔会谂咁多。有时我都会叫女朋友帮我拎返嘢。”

“女友叫到冇所谓啦，我唔会歧视街上帮女仔拎袋的男仔，乜唔系应该要有种‘ 啊系好仔嚟嘅feel咩？’”

在男性角度，“Man”从来重要。作为女人的我一直以为，男人会觉得，帮女人拎袋是映衰男人的行为，可令男人应有形象尽失，甚至尊严受损。但原来，他们也可以反过来将这行为演绎成“Man”，是对女方关怀和爱意的表达。这么看来，一个小小的手袋，撇除了性别角色的内容，原来也被赋予了另一重的意义，关于爱情。

似乎当一男一女走在一起，女人那个袋在谁手上是被加诸了太多内容了，试想想，由谁来拿这袋是不是一定要代表什么？女人拿是不是也可以不代表“自主”，男人拿也不代表“不像男人”，没有这些前设，关于拿袋的争拗，大概可告终。

记著，要是太在意他人目光的话，在香港大慨是“做乜都死”。

放下了前设，男方实不需要在意帮女人拿袋会遭人耻笑（我唔排除真系有）。要是真的觉得拎袋是体贴表现，就问一句，若女友拒绝，也不必想太多。女方想男人拎袋，不管是累了想找人分担，还是想试男方的“忠心”，抑或向世人晒命......没关系，他受就可以。

本来就没有男女必然要做的行为，男女之前，做回自己就好。