韦家辉勉励年轻同行要有火　“我同杜生拍戏时都话香港电影已死”

第30届香港电影评论学会大奖今日（6日）举行，评论学会本届颁发“最佳电影”、“最佳导演”、“最佳编剧”、“最佳男演员”及“最佳女演员”五项大奖，并颁发八部推荐电影，邀请“评论学会奖之最”、曾经七度获得编剧奖及去年获得导演奖的韦家辉担任颁奖嘉宾。

担任嘉宾的韦家辉在颁奖前，与典礼主持人进行对谈，作为“评论学会之最”被问及电影创作人最重要的要素时，韦家辉分享心得表示：“最紧要一团火！要知道自己做紧一样嘢系好有意义，呢个世界有咁多电影，点解我哋仲要拍，仲要咁辛苦去坚持？见到学会颁奖礼30周年，其实我同杜生（杜琪峰导演）嘅银河映像差唔多呢个年纪。”

韦家辉更忆述与杜琪峰合组银河映像时的初衷：“记得最初成立嘅时候，我哋系决定拍我哋自己钟意嘅电影，但呢条路其实好难行。头先睇到场刊，原来我同杜生加埋已经攞过十几个奖，系好大意义。我哋拍嘅电影难以想像，票房有时都难以想像！但咁难行嘅路，奖项系一个肯定同支持！”

谈到在电影路逆流而上，韦家辉分享能够一路克服过来的原因：“我谂系一个使命感，到而家同杜生拍戏好重要一样嘢，就系‘有冇嘢想讲’？想讲嘅嘢系咪对世界有益？呢样好紧要，但亦知道好难坚持，因为好多嘢mon住你。以前有一班兄弟手足同你一齐拍一齐努力，而家多咗信仰，每当遇到困难我会祈祷，向神请教。”近年成为基督徒的韦家辉，在拍电影的信念以外，亦有信仰的支持。

最后韦家辉不忘勉励台下的祝紫嫣、简君晋及卓亦谦等一众新生代电影创作人：“香港电影确实遇到一个好麻烦嘅时候，但唔紧要，由我同杜生一齐拍戏开始，𠮶时已经话香港电影已死，话难行难行，但到今日仲有路行。”至于香港电影的出路，韦家辉亦希望电影更够更广阔无限：“希望香港电影戏路唔缩到咁窄，世界观要大，唔好单单只睇香港市场，或者要了解而家世代，观众想睇啲咩。因为人嘅寿命好短，电影寿命好长，电影留下来唔止对呢代人，一部电影可以一直存在，所以视野要阔啲。”