填词L｜ANSONBEAN认与张天颖拍拖　傻笑回应︰钟意对方有团火

由黄绮琳执导，钟雪莹主演的电影《填词L》，今日（28/2）举行首映，有份参与演出，近日被网民捕获拍拖的ANSONBEAN（陈毅燊）都有出席，在接受传媒访问时，亦大方承认与独立歌手兼女子组合Beanies成员张天颖（Jaime）拍拖，并公开自己喜欢对方的原因。

早前，有网民拍到ANSONBEAN与Jaime一齐去中环嘉年华玩，二人举止相当亲密，当时男方就事件透过经理人回应说：“我们在了解中，希望大家畀啲空间。”

今日ANSONBEAN就亲自回应恋情：“我哋刚刚开始正在发展中，都希望大家畀啲空间我哋。我哋都系今年先开始，在网络上会低调啲。（记：有冇谂过咁快公开？）我绝对冇谂过咁快公开，但被人影到因为我哋都冇刻意收埋，如果拍拖要收收埋埋都唔舒服啦！而家公开咗就⋯⋯系啰⋯⋯开心啰！”

被问到Jaime有咩地方吸引自己，ANSONBEAN立即表现尴尬：“要喺咁多人面前讲呀⋯⋯佢好有才华好Cute啦，同埋见到佢Keep住做歌剪片，我系畀佢团火打动到。我系好易被周围环境影响到嘅人，佢呢样系感染到我。（记：有冇边刻挞著？）冇话边一刻挞著，系大家相处时好舒服，我哋嘅认识系因为有共同朋友。”

ANSONBEAN更透露妈妈都是睇报道先知自己拍拖，但都好接受。至于工作上有冇机会合作，ANSONBEAN就表示在认识前，已经有谂大家音乐上可以有咩合作，而家正忙紧今年推出专辑，合作的事情要稍后。至于Jaime随后会在麦花臣开骚，ANSONBEAN强调一定会去，仲帮手宣传︰“大家记得买飞。”