盗月者 ｜马文舜“邮局条针”系高材生　苏振维与Edan合作︰劲爽

有睇《盗月者》嘅观众朋友，系咪都有谂过马文舜“邮局条针”童童到底系唔系大家认识，《100毛》嘅“专家Dickson”。童童嘅真身其实系演艺学院一级荣誉毕业嘅高材生苏振维（Ray），目前系“中英剧团”嘅演员，之所以做舞台剧演员，并非“细细个就好钟意做戏”，而系在“唔知做咩”情况下接触了舞台剧，继而被朋友提醒“试下啰”报读演艺学院。

苏振维说当初甚至连演艺学院喺边都唔知道，一直以为自己会往文学方向发展，但后来发现有兴趣但无天份。“我仲好记得我系同日收到APA同大学录取通知书，当我拎住APA封信时，屋企人系‘唔使咁开心嘛’，其实都明佢哋想我行边条路。唔算话好支持，但去到而家有定期制作又系剧团演员，佢哋都会嚟睇，我谂都系支持架啦。”

一入剧团就疫情

苏振维毕业演艺学院后，有快就加入了“中英剧团”，但亦同时遇上了疲情，他仍记得那2年多时间只正式演出过两次。“入剧团一年就疫情，完全无演出，系幸福，因为当时好多同行都手停口停，甚至有朋友已经转行，但我系有月薪，系好彩。𠮶段时间好折磨 ，排完然后被通知cut骚，基本上𠮶两年系演咗两次左右，灰㗎。庆幸有班人一齐挨，咁会挨得易啲。”

疫情过后，剧团重新运作，苏振维亦同时遇上了“童童”，他说当初是透过副导演的女朋友推荐去casting，一开始并不知道对方是Edan。“𠮶时只系知道角色性格、功用，但因为背景好清楚，所以我系可以准备得好充足去cast ，同埋自己几年前都拍过一条弱能人士嘅影片，casting时有摆入去。”

本身唔觉似Dickson

与Edan的合作，苏振维以“爽”来形容。“佢有种好熟悉整个流程嘅感觉，都会羡慕，同埋佢睇剧本好细心，好清晰个场次应该系发生咗啲咩先。”电影上映后，苏振维没有想过加埋不到5分钟嘅戏份会获得关注，不少“爵屎”亦有留言鼓励他。

讲到与专家“Dickson”撞样，苏振维说以前因为戴眼镜关系，都不时被指似。“本身自己唔觉，但啲人直情觉得我系⋯其实今次都系好靠外形进入角色，头发、暗疮、橙色tee，一照镜就入到角色； 而童童嘅腔，我系有少少模仿识嘅人去演绎出嚟，因为导演要求唔可以太清楚但又唔可以听唔到。”讲到今次最大得着，苏振维认为是学会了舞台剧不会有的连戏。“导演成日提我脸部表情要连戏，有时自己都会乱，同埋我成日要贴贴纸喺手，袁导会提我贴返贴一个位，因为舞台剧系唔会有呢啲，电影有转完机位后，我贴贴纸上手都要有意职做咩。”