盗月者｜与卢瀚霆登神合体谢票　观众等睇吕爵安PatPat找数佢咁答

《盗月者》两位主角卢瀚霆（Anson Lo）同吕爵安（Edan），今晚（17日）联同导演袁剑伟现身尖沙咀戏院进行谢票，主持问到电影口碑及票房都好好，会否有拍续集打算，袁导表示︰“第二集有无声气要睇大家，唔系话有就有。”并谓最重要都系睇票房。

谢票期间，有观众表示等睇Edan为票房找数派福利，露Pat Pat ，吕爵安即时更正：“系八月十五啫，无话Pat Pat。”袁导演听到都忍唔住问八月十五唔系代表屁股咩？Edan解释：“八月十五系月亮嚟㗎嘛。”话题之后发展到新月、半月，Edan 即时转移话题，十分鬼马。

有观众问到Edan 同Anson Lo最喜欢对方哪一场戏，Edan表示最喜欢阿佑（卢瀚霆　饰）同妈妈嘅对手戏，因为能够感受到母子之间嘅感情十分深厚。而Anson Lo则拣选Edan第二次见莱叔（姜涛　饰）以及之后发脾气闹人一场，因为两场嘅反应都十分真实。另外，袁导亦亲解《盗月者》无女主角之谜，他指《季前赛》因加插女主角之后有点混乱，汲取经验后，今次几乎全男班上阵。