饭戏攻心2｜邓丽欣有信心突破《饭1》票房　嫌Dee飞吻福利唔够劲

《饭戏攻心2》开画5日票房已破2500万，邓丽欣（Stephy）同何启华（Dee）今日（17日）现身旺角继续为电影造势，派发福米祝愿“人人得米”。

Stephy透露过年期间打麻雀有进帐，自觉今年财运应该唔错，除咗打麻雀外，Stephy又与妈妈外游，日前又到家英哥同阿姐屋企拜年，同场仲有Edan：“其实唔系特登约，系Edan去，而我住得比较近，所以就过埋去一齐拜年。”讲到昨晚（16日）任郑中基演唱会嘉宾，虽然所有收到嘅利是都会捐出，但Stephy表示过年开骚原来福利咁好，更笑称可以谂一谂，她又指做嘉宾之余不忘送上戏飞宣传。

问到有无信心突破《饭戏1》票房，Stephy说：“我觉得信心一定要有，首先希望大家钟意，票房唔系我哋谂，不过作为演员都希望大家睇完系会钟意同喜欢我哋演出，目标系希望有上次成绩，甚至超越就更好，所以我哋都好努力去谢票。”讲到票房福利，阿Dee即场送飞吻，之后仲话考虑淋水：“有乜所谓，大家having fun、开心咪淋水，淋Jeffrey都无问题，我要为大家著想嘛，淋自己我私下send 俾fans算啦。”Stephy闻言后表示可以帮手。