临时劫案︱梁仲恒初尝开枪拜服郭富城　“耳塞又唔戴、眼都唔眨”

香港贺岁喜剧《临时劫案》今日（9日）大年三十正式上映，电影由郭富城、林家栋、任贤齐及张可颐领衔主演，今日胡定欣、梁仲恒、曾位元、符家浚、Ansonbean陈毅燊及Kathy仔王颂茵在上映日，到戏院连跑五场谢票，与观众粉丝们见面。就算大年三十，亦有不少支持《临时劫案》的观众抢先于上映日入场，甚至有观众购买超过三场的戏飞，力撑《临时劫案》上映！

为《临时劫案》谢票前，梁仲恒、Kathy仔王颂茵与符家浚接受传媒访问，梁仲恒分享指在电影中饰演警察，Kathy仔与符家浚则为抢劫的贼人，最后两方则在实地取景的庙街终极对垒。梁仲恒笑言在庙街拍摄与街坊感觉非常接近：“有时唔系拍紧嘅时候，我同阿符就会周围行，撩啲人倾计，直头融入咗、好似街坊咁！”符家浚亦表示：“第一次拍戏就喺香港嘅街道，又开枪又飞车又爆破，真系吓死我！”Kathy仔笑指：“系㖞！你有开枪，好勇猛呀！”符家浚则笑言：“好似第一身打紧机咁！”

梁仲恒与符家浚亦表示各自也在《临时劫案》中初尝开枪的滋味，Kathy仔旋即表示：“点解我冇得开枪嘅？”大感失望之余表示自己的角色其实是好人。谈到开枪，梁仲恒表示目睹郭富城演绎枪战感到拜服：“你见到有经验嘅演员就系咁，好定！我怀疑佢耳塞都唔戴，完全眼都唔眨！我开过枪就知冇可能唔眨眼，完全系反人类（反应）嘅行为！”Kathy仔虽然未有参与开枪，但笑言：“我有摸咗枝枪一下，摸到当赢㗎喇！我喺隔篱听，第一次接触枪战戏，佢哋话要戴耳塞，我仲心谂有冇咁劲，点知真系轰一声！”

梁仲恒与前辈张可颐于《临时劫案》戏份密切，他表示：“我哋系拍档嘅角色，其实有我就有佢、有佢就有我，我哋真系双生火焰，永远都离唔开对方𠮶种嘅密切关系！”符家浚随即开玩笑：“咦，你突然间讲到、系唔系爱情戏呢？系咪可以开下集有床戏呢？”梁仲恒便怕丑表示：“咁又唔敢！但系讲真有缘份嘅。”