临时劫案︱曾比特负伤撑拐杖谢票　遇热情女粉丝：坐你大髀得唔得

香港贺岁喜剧《临时劫案》今日（9日）大年三十正式上映，电影由郭富城、林家栋、任贤齐及张可颐领衔主演，今日胡定欣、梁仲恒、曾比特、符家浚、Ansonbean陈毅燊及Kathy仔王颂茵在上映日，到戏院连跑五场谢票，与观众粉丝们见面。就算大年三十，亦有不少支持《临时劫案》的观众抢先于上映日入场，甚至有观众购买超过三场的戏飞，力撑《临时劫案》上映！

主演《临时劫案》的曾比特（Mike）入场谢票期间，因为伤患而坐在观众席与到场粉丝合照，Ansonbean期间笑指：“我坐你大髀得啦！”现场亦有女粉丝热情表示：“我坐你大髀得唔得？”令戏院观众非常兴奋，直至离场时，该位热情女粉丝仍关心曾比特的状况，高呼：“小心啲吖Mike Mike！”可见曾比特人气极旺！

曾比特与Ansonbean于谢票前接受访问，现场见曾比特撑拐杖现身，首先关心Mike的身体状况，他表示：“我肌肉急性发炎，有一日突然间郁唔到，就有啲惊、吓到成屋都好惊！最后去咗医院，医生帮我打咗枝止痛消炎针之后，就叫做行到几步路，但系要扶住。”他表示发炎位置为后腰肌肉，与运动创伤无关。

曾比特与Ansonbean一边受访一边吃爆谷，更笑言：“中医嘅讲法系唔好食啲‘发’嘅食物，包括芋头、糯米；西医就冇话要戒口，但系两边都冇话要戒爆谷，所以我系可以食嘅！”年三十晚仍出席谢票，Ansonbean表示昨日已回家吃团年饭：“今晚会返屋企住，之后会再去探公公婆婆、爷爷嫲嫲！”他表示搬出来自住后，新年必然要花时间回家陪父母。

谈到拍摄《临时劫案》期间的趣事，曾比特笑指：“我记得有一幕喺泳池，为咗𠮶一幕除衫，但系好似Cut咗！我哋（拍摄前）一齐喺更衣室做仰卧起坐！”Ansonbean表示：“佢𠮶时好fit㗎！有腹肌！”Mike则笑指：“而家冇喇！要跟Ansonbean操下！”至于删剪片段会否成为新年票房福利，曾比特笑指：“导演喺唔喺到？我阵间跪喺到求下导演先！”Ansonbean：“畀我哋赤裸一下！”Mike也同意表示：“唔好嘥咗啲露肉嘅镜头！”