邓月平游泰国拣错房即撞嘢　“尾房”同“444号房”你会点拣？

最新一集的《总有一瓣喺左近》，有邓月平做嘉宾，跟三位主持潘绍聪、岑乐怡、詹朗林分享灵异故事。由于邓月平于驱鬼家族长大，纵使灵异体质不算强，但都不时会有感应。节目中她就分享一个在片场同关于酒店的故事。

神明化身曱甴保护

首先是关于片场的经历，事源当日邓月平要到一间宾馆拍摄，其经理人已是位阳气旺盛的女子，但到步不久已称不舒服，当时邓月平还未联想到跟灵异有关，甚至更在现场走廊玩得好开心。“当日因为穿百褶裙好飘逸，不停在走廊跑来跑去，到差不多埋位时便感到唔舒服，系透唔到气嘅感觉，要跑出宾馆先呼吸到。”

监制有经验，立即叫剧组停一停拜个神先，但邓月平一返到现场又有透唔到气的感觉，好勉强才拍下第一个镜头。随后她致电问有玩塔罗牌的朋友，占到她刚才撞到一个女灵体，对方好嬲。紧随又再问自己婆婆，婆婆都有类近的推测，于是立即在家中帮她做法事，“佢提我如果现场见到有曱甴同飞蛾出现，千祈唔好打死佢，呢啲系神明化身来保护我。通完电话之后，就真系有只曱甴在眼前出现。”事件令邓月平都感到惊讶。

拣住“尾房”定“444号房”？

到分享酒店鬼故时，邓月平先问三位主持人︰“如果酒店剩番两间房，一间系尾房，一间系房号‘444’，你哋会点拣？”三位主持不约而同答一定拣“444”，答案令邓月平相当惊讶，事关她当日就宁愿拣尾房，结果又真系中招。

邓月平︰“我谂住死死死不太吉利，所以就拣住尾房。当日我哋一行五人去泰国旅行，尾房是家庭套房，我同另一个朋友入住，有一张成人双人床及上下格床，自己贪得意拣瞓上格床，朋友冲完凉都贪玩话要一齐瞓上格床。”

结果灵异事情开始发生，瞓到半夜邓月平听到有人冲凉，当时以为是瞓“444号房”的朋友过来，并不为意。直到清晨5、6点左右，便听到怪声︰“我听到有人用手扫墙的声音，好似在揾灯掣，于是我喺上格床坐起身打算同朋友讲需唔需要开盏灯畀佢时，发觉点解呢个人身影咁高？因为同行所有朋友都系1米6，而呢个黑影足足有1米9。”

“444”系给予你一份肯定？

当时邓月平记得家人同自己讲过，如果见到灵体时，记得唔好畀佢知你见到佢，“于是我立即扮见唔到，仲伸个懒腰立即瞓底大被笠过头。但当时真系好惊，又想知到底见到嘅系乜嘢，于是叫醒身边位朋友，提议数一、二、三就一齐揭开张被睇下到底系啲咩，但遭拒绝。直至天光晒先敢揭开睇，都已经冇嘢。”

事后邓月平问番住“444”号房的朋友，她们根本全晚都是瞓在自己房间，冇去过尾房，仲反问︰“做咩你两个成晚跑嚟跑去，又敲我哋房门呀？”当下邓月平就肯定自己前一晚是撞到嘢。

至于点解三位主持都宁住“444”房而唔住尾房？潘绍聪解释︰“自己有一段时间都会不停见到个4字，睇时间、食饭费用等，444其实可以是‘天使号码’，代表身边有个守护神或天使，给予你一个讯息，话你做紧的事是对的。”而另一主持詹朗林就有段时间经常见到2字，道理亦一样，都是代表你所做的事将会实现，并有丰盛的果实。詹朗林︰“有段时间可能中年危机啦，不时胡思乱想，有晚瞓到半夜见到个钟刚刚是22︰22，觉得好奇怪，上网查阅发觉是好事，就安心多了。而且，听咁多酒店鬼故多数都系发生喺尾房，所以自己点都唔住尾房。”