饭戏攻心2︱林明祯严选谢票旗袍 何启华非自肥︰露侧半球多人睇
香港贺岁喜剧《饭戏攻心2》由陈咏燊执导，上集旧班底邓丽欣、张继聪、王菀之、林明祯及陈湛文回归主演，更有Jeffrey魏浚笙、阿Dee何启华、“修哥”胡枫、罗兰、米雪、谢君豪、蒋志光、黎彼得等好戏之人加盟！今日（1日）《饭戏攻心2》举行“喜上加喜喜电影首映见面会”，导演携同一众演员在首映前与观众见面，更于音乐厅进行迷你音乐会，为《饭戏攻心2》于除夕大年三十（2月9日）正式上映前造势！
《饭戏攻心》“哎呀大嫂”林明祯联同新加盟演员Jeffrey魏浚笙、阿Dee何启华于首映上接受传媒访问，明祯早前透露会着旗袍在新年期间谢票，她笑言：“而家拣紧旗袍，因为我唔好熟悉香港边到有得卖旗袍，而家揾紧！”阿Dee随即笑指：“旺角女人街𠮶啲，不过要讲价，可能两嚿水讲到50蚊咁！”林明祯亦听懂“讲价”的意思，笑指：“就系买二送一嘛？”
至于似乎熟路的阿Dee会否出动为明祯选旗袍，何启华则笑指：“梗系唔会啦！旗袍呢啲嘢，我拣就拣畀自己啦！”笑言考虑买一件、但不会着出来，但林明祯则表示：如果谢票嘅话，我就会着旗袍、佢就会着唐装！”林明祯的广东话进步神速，但“唐装”与“童装”仍讲成谐音，阿Dee随即笑指：“我想着童装㗎！童心未泯㗎呢几年！我童心未泯，但成年人就‘泯’咗！”何启华亦透露本月9日将会与Jeffrey一同谢票，至于问及明祯谢票安排，明祯则表示：“因为9号我屋企人会嚟香港，我需要接佢哋、带佢哋去食团圆饭，因为好耐冇食过团圆饭！家姐细佬都会陪我一齐谢票！”
未时受访不时展露“神逻辑”的Jeffrey魏浚笙今日未有主动搭话，Jeffrey表示正因抱恙在身：“系呀，有少少唔舒服，所以讲嘢细声咗。”但Jeffrey则笑指未知自己为何会生病：“我都唔知呀，所以真系祝大家身体健康。（失声？）少少啦。（被阿正传染？）应该唔系。”
近日阿Dee何启华与ERROR队友肥仔于电视节目《晚吹- 404_886流量密码》接触不少台湾女神，阿Dee笑言并非自肥：“其实一啲都唔自肥，好期望大家都会睇《流量密码》，睇多啲台湾靓女。但其实我哋作为主持人系睇到腻咗嘅。”至于会否对台湾靓女心动，他则一本正经地表示：“绝对冇（心动）㗎！有时都想同真人有啲距离，呢样系193话畀我知。（有冇抄牌？）斋抄IG啰！因为个节目其中一部分，节目要我哋follow佢哋IG，了解下流量密码系咩嚟。”但何启华亦笑言自己抱着求真精神请教台湾靓女的流量密码：“我自己都有问啲地理常识，南半球、北半球𠮶啲，原来露侧半球会多啲人睇！我自己谂紧、练紧，所以最近个胸部都好似Jeffrey咁firm！”
何启华笑言无法与身型非常结实的“大表哥”Stanley邱士缙比较，阿Dee亦不期望操练至大表哥的级数：“操到佢咁样？唔啦！呢啲讲真讲天份嘛，大表哥系一个完美嘅示范！”至于身型向来健硕的Jeffrey，则对大表哥的成果感到佩服：“好呀！努力下，好利害！我都有啲吓亲！好夸张、摆pose好型，唔讲以为比赛紧！”