不是你不爱你｜袁富华传授梁仲恒好戏心法　“我好满意呢个仔”

现正上画的电影《不是你不爱你》，戏内除了错综复杂的感情线，两位好戏之人Ben哥袁富华、阿炳梁仲恒，这对戏中父子冤家，不时在戏内大斗演技，尤其两人一场酒后内心戏，尽显细腻父子情。

当日拍摄两父子到果栏攞货，由于袁富华经营的生果档生意不景，经常要向果栏批发商赊数，惜长贫难顾，批发商逐将烂生果批俾两父子，Ben哥还是忍气吞声接受，相反，性格冲动的阿炳因此同批发商炒大镬，动口兼动武，Ben哥见状及时上前阻止。

Ben哥与阿炳并非首次碰头，两人曾合作舞台剧，彼此有一定默契，Ben哥说：“我好满意呢个仔，唔知点解会生到佢咁高，同埋我哋一前一后进入同一个剧团工作，我算系佢前辈，见到佢工作有成续，会戥佢开心。”

提到戏中两父子性格各走两极，爸爸内敛、囝囝火爆，Ben哥说：“同呢个仔有啲南辕北辙，呢个爸爸好软皮蛇，好似中咗化骨绵掌咁，令呢个仔好火。”要说服观众投入两父子的关系，阿炳坦言要多谢Ben教导，他说：“休息嘅时候，Ben哥会教我点处理啲戏，佢用咗好多时间去摸索，佢唔想我行冤枉路，可以行快啲。”

Ben哥凭电影《翠丝》荣获金马奖和金像奖“最佳男配角”，亦曾在“香港舞台剧奖”凭舞台剧《专业社团》获得“最佳男配角（喜/闹）”，无论是电影界、抑或舞台剧界，都是前辈级好戏骨。

“其实只系将自己经验分享，因为舞台剧同电影世界会有唔同，需要时间去适应，我似老卖老咁同佢讲，哈哈！我哋虽然唔系成日合作，但以前排过舞台剧，个感情好唔同。”Ben哥说。