向西2｜试镜男向素海霖送花算命唔愿走　见足8个钟︰有得拣仔咁

本地话题新片《一路向西2东京AV攻略》上周六举行演员招募日，现场试镜者超过200人，由1楼场地一直排队到落街，场面壮观。当日由导演郑峰岚及女角之一的素海霖（Erena）负责面试，第一代“向西仔”兼《向西2》男角张建声因工作关系，在试镜中段才到场拣蟋。试镜过程中，有部分报名者需要试戏，最后整个casting活动超过8个钟，由头带到尾的导演和素海霖除了去洗手间外，全程冇食饭冇休息，非常敬业。

《一路向西2东京AV攻略》将于3月下旬在东京开拍，演员包括张建声、素海霖，日本的三上悠亚、波多野结衣、相泽南及村上悠华。试镜结束后，导演表示虽然有点攰但感到振奋：“因为见到现场咁多人嚟支持香港电影，支持自己嘅梦想。今日有成二百几人嚟，另外仲有网上报名，包括来自台湾等地，加埋接近成千人，仲需要online casting。”首次做评判的Erena笑说：“好开心，未做过评判，第一次，好似有得拣仔咁。”由于试镜角色包括与Erena有多场对手戏的男主角“Henry”，所以Erena今次系有份参与拣“男朋友”，导演问她有没有遇到心水人选？erena直言有，“但只限外表，性格未知，如果戏内嘅男朋友有好多都啱，但外表（合她心水）就得五个内。”

导演表示，面试中发现多位演员都很优质，令他感到surprise，张建声就说：“我睇咗一半（casting），哗，我听到有啲casting嘅朋友仔，等咗6个几钟7个钟，除咗导演同Erena两位之外，真系respect咁多位面试者，真心。”他又说：“一路向西香港精神嚟㗎，点都要薪火相传落去，快啲出现啦向西仔！”

Erena觉得好多面试女仔都ok，“女仔方面，有个来自台湾嘅，咁啱有个角色需要台语，佢系…哗！你一定会记得佢，除咗佢讲嘢演绎之外，佢嘅身材你一定会记得佢。我系女人都咁钟意佢，更何况男人。”导演补充该面试女演员（张永歆）专程从台湾来港，十分有心；张建声称因当时未到现场，与对方缘悭一面，Erena闻后向张建声笑说：“你睇返可能流口水。”

至于男角方面，不少试镜男见到Erena都有点紧张，甚至唔愿走想见多阵心仪女神，而大部分都知道Erena喜欢戴眼镜、较成熟的男士，所以十个有八个都有一镜傍身，Erena坦言有部分试镜男令她留下深刻印象：“有一个完全系我钟意嘅类型，无论发型、个样，个发型好似薛之谦；有两个送花畀我，我估唔到，令我好深刻；有啲特登表演戴眼镜畀我睇，哈哈～大家都好有心。临尾仲有个帮我算命，我都好迷信。”